سعودی فوڈ اینڈ ڈرگ اتھارٹی کی کارروائی، ضوابط کی خلاف ورزی پر 17 فارمیسز کو جرمانے

بدھ 17 ستمبر 2025 10:20

ریاض (اُردو پوائنٹ اخبارتازہ ترین - اے پی پی۔ 17 ستمبر2025ء) سعودی عرب کی فوڈ اینڈ ڈرگ اتھارٹی نے ادویات کی عدم فراہمی و ضوابط کی خلاف ورزیوں پر 17 فارمیسز کو 5لاکھ 85 ہزار ریال کے جرمانے عائد کیے ہیں۔اردو نیوز کے مطابق فارمیسز کے ڈیجیٹل ٹریکنگ سسٹم رصدکے تحت تفتیشی ٹیموں نے مملکت کے مختلف علاقوں میں قائم فارمیسز کی نگرانی کی جن پر ضوابط کی خلاف ورزی ریکارڈ کی گئی۔

(جاری ہے)

اتھارٹی نے بتایا کہ جن فارماسوٹیکل اداروں پر جرمانے عائد کیے گئے ہیں ان پرمختلف نوعیت کی خلاف ورزیاں جن میں رجسٹرڈ مصنوعات مارکیٹ میں فراہم کرنے میں ناکامی اور سپلائی چین میں رکاوٹ ہونا درج کی گئی ہیں۔واضح رہےکہ اتھارٹی کا ٹریکنگ سسٹم رصد اس امر کو یقینی بناتا ہے کہ انسانی ضرورت کے لیے تیار کی جانے والی ادویات کی مسلسل ٹریکنگ کی جائے تاکہ ایسی ادویات کی کمی نہ ہو جو انتہائی ضروری ہیں، اس کے علاوہ تجارتی جعل سازی کے امکانات کا بھی انسداد کیا جائے۔