Live Updates

سیلابی ریلے تباہی کی نئی داستانیں رقم کر گئے، گھر، مال مویشی، فصلیں تباہ، ہزاروں لوگ بے گھر

بدھ 17 ستمبر 2025 11:32

علی پور(اُردو پوائنٹ اخبارتازہ ترین - این این آئی۔ 17 ستمبر2025ء) سیلابی ریلے تباہی کی نئی داستانیں رقم کر گئے، گھر، مال مویشی، فصلیں تباہ ہوگئیں، ہزاروں لوگ بے گھر ہوگئے۔

(جاری ہے)

علی پور کے موضع خیر پور سادات، موضع مٹھن والا میں مکانات گر گئے، نشیبی علاقوں میں کئی کئی فٹ پانی جمع ہوگیا، شجاع آباد میں متاثرین گھروں کو واپس لوٹنے لگے، ہری پور میں ریلوے روڈ پر برساتی ریلے کی زد میں آکر وین پل سے نیچے گر گئی، ڈرائیور زخمی ہوگیا۔

بہاولنگر میں دریائے ستلج کے سیلاب سے دریائی بیلٹ کے 150 کلومیٹر کے علاقے میں 145 موضع جات متاثر ہوئے، بستی کھرلاں اور موضع عاکو میں تباہی مچ گئی، سڑکیں بہہ گئیں، راستے منقطع ہوگئے، ایک لاکھ 40 ہزار ایکڑ پر فصلیں تباہ ہو گئیں۔منچن آباد میں 15 سے زائد دیہات کا تاحال زمینی رابطہ منقطع رہا، متاثرہ علاقوں میں 5 سے 7 فٹ تک سیلابی پانی موجود ہے۔