یوئیفا چیمپئنز لیگ ،ریال میڈرڈ اور آرسنل نے اپنے میچز جیت لئے

بدھ 17 ستمبر 2025 17:21

میڈرڈ (اُردو پوائنٹ اخبارتازہ ترین - اے پی پی۔ 17 ستمبر2025ء) ریال میڈرڈ نے یوئیفا چیمپئنز لیگ کے ایک میچ میں مارسیلی کو شکست دے دی جبکہ آرسنل کی ٹیم نے دوسرے میچ میں اتھلیٹک کلب کی ٹیم کو 0-2 گول سے ہرا دیا۔ یوئیفا چیمپئنز لیگ میں شائقین فٹ بال کو انتہائی دلچسپ اور کانٹے دار مقابلے دیکھنے کو مل رہے ہیں۔سپین کے دارالحکومت میڈرڈ کے مقام پر کھیلے گئے لیگ کے اہم میچ میں میزبان ریال میڈرڈ اور مارسیلی کی ٹیمیں آمنے سامنے تھیں جس میں ریال میڈرڈ کی ٹیم نے حریف ٹیم مارسیلی کو ایک کے مقابلے میں 2 گول سے ہرا دیا۔

کیلین ایمباپے اور ٹموتھی ویہ نے ایک ایک گول کر کے اپنی ٹیم ریال میڈرڈ کی فتح میں اہم کردار ادا کیا۔ یہ ریال میڈرڈ کی لیگ میں ابتدائی فتح ہے اور اس فتح کے بعد اس کو 3 قیمتی پوائنٹس بھی مل گئے ہیں۔

(جاری ہے)

سان میمس، بلباؤ، سپین میں کھیلے گئے ایک اور میچ میں آرسنل اور ایتھلیٹک کلب کی ٹیمیں آمنے سامنے تھیں جس میں آرسنل کی ٹیم نے شاندار کارکردگی کا مظاہرہ کرتے ہوئے ایتھلیٹک کلب کی ٹیم کو 0-2 گول سے ہرا دیا۔آرسنل کی جانب سے گیبریل مارٹینیلی اور لینڈرو ٹروسارڈنے ایک ایک گول سکور کر کے اپنی ٹیم کی فتح میں اہم کردار اداکیا۔ یوں اس فتح کے ساتھ ہی آرسنل کی ٹیم نے مہم کا آغاز فاتحانہ انداز میں کر دیا۔\932

Facebook Twitter Google + Share on Whatsapp

یوئیفا چیمپئنز لیگ ،ریال میڈرڈ اور آرسنل نے اپنے میچز جیت لئے

متعلقہ عنوان :

مزید کھیلوں کی خبریں