سرویکل کینسر سے بچاؤ کی آگاہی مہم بہترین انداز میں جاری ہے،ڈسٹرکٹ ہیلتھ آفیسر بھمبر

بدھ 17 ستمبر 2025 15:07

بھمبر(اُردو پوائنٹ اخبارتازہ ترین - این این آئی۔ 17 ستمبر2025ء)ڈسٹرکٹ ہیلتھ آفیسر بھمبر ڈاکٹر ارم بتول نے کہا ہے کہ سرویکل کینسر سے بچاؤ کی آگاہی مہم بہترین انداز میں جاری ہے۔ اس مہم کے تحت خواتین کو بیماری کے ابتدائی مراحل میں تشخیص اور بروقت علاج کی اہمیت سے آگاہ کیا جا رہا ہے تاکہ قیمتی جانوں کو بچایا جا سکے۔انہوں نے بتایا کہ محکمہ صحت بھمبر کی ٹیمیز عملی طور پر ویکسئین لگا رہی ہیں۔

(جاری ہے)

مختلف علاقوں میں آگاہی سیشنز، لیکچرز اور سیمینارز منعقد کر رہی ہیں جبکہ بنیادی مراکز صحت پر بھی معلوماتی مواد فراہم کیا جا رہا ہے۔ ڈاکٹر ارم بتول نے کہا کہ عوام بالخصوص خواتین کو چاہیے کہ وہ اس مہم سے زیادہ سے زیادہ فائدہ اٹھائیں اور اپنی صحت کے حوالے سے باخبر رہیں۔ڈی ایچ او بھمبر نے مزید کہا کہ محکمہ صحت ہر ممکن وسائل بروئے کار لا رہا ہے تاکہ سرویکل کینسر سے بچاؤ کے پیغامات گھر گھر تک پہنچائے جا سکیں۔