اسلام آباد ، شہری کے قتل میں ملوث دو اشتہا ری مجرمان کو گرفتار

بدھ 17 ستمبر 2025 20:29

اسلام آباد(اُردو پوائنٹ اخبارتازہ ترین - این این آئی۔ 17 ستمبر2025ء)اسلام آبادپولیس تھانہ سبزی منڈی اور ہو می سائیڈ یو نٹ ٹیمو ں نے کا رروائی کرتے ہوئے شہری کے قتل میں ملوث دو اشتہا ری مجرمان کو گرفتار کرلیا۔

(جاری ہے)

تفصیلات کے مطابق تھا نہ سبزی منڈی میں شہر ی نے درخو است دی کہ دو ملزمان عاشق علی اور اسما عیل خان نے اسلحہ آتشیں سے فائر نگ کرکے میر ے والد عبد الر ؤف کو شدید زخمی کر دیا جو زخموں کی تاب نہ لا تے ہو ئے جا ن بحق ہوگئے، درخواست موصول ہوتے ہی تھا نہ سبزی منڈی پولیس نے فوری مقدمہ نمبر683درج رجسٹر ڈکرکے تفتیش شروع کردی،ڈی آئی جی اسلام آ باد محمد جو اد طا ر ق نے وقوعہ کا سختی سے نو ٹس لیتے ہوئے اس میں ملوث مجرمان کی گرفتار ی کے احکا ما ت جاری کئے، تھا نہ سبزی منڈی اور ہو می سائیڈ یونٹ پولیس نے جدید تکنیکی اور سائنسی تقاضوں پر تفتیش کرتے ہوئے اس سنگین نو عیت کے وقوعہ میں ملوث دو مجرمان عاشق علی اور اسما عیل کو گرفتارکرلیا،گرفتار مجرمان کے انکشاف ونشاند ہی پر آلہ قتل دو عدد پستول برآمد کرلیے، گرفتار ملزمان سے مزید تفتیش جاری ہے، ڈی آئی جی اسلام آ باد محمد جو اد طارق نے کہا کہ جرائم،تشدد اور قتل کے واقعات کے انسداد کیلئے اسلام آباد پولیس بلاتفریق کارروائیاں عمل میں لارہی ہے،ایسے واقعات میں ملوث ملزمان کے خلاف سخت قانونی کارروائی عمل میں لا تے ہوئے قرار واقعی سزا دلواکر کیفرکردار تک پہنچایا جائے گا اور مجرمان کو ٹھو س شواہد کی روشنی میں چالان کیا جا ئے گا، انہو ں نے مزید کہا کہ اسلام آباد پولیس شہریوں کے جان و مال کے تحفظ کے لئے تمام تر وسائل بروئے کار لارہی ہے، شہریوں سے بھی گزارش ہے کہ وہ پولیس کے ساتھ تعاون کریں اور کسی بھی مشکو ک شخص یا سرگرمی کے بارے میں متعلقہ تھانہ یا ایمرجنسی ہیلپ لائن"پکار-"15پر فوراً اطلا ع دیں،تا کہ پولیس اور عوام کے تعاون سے معاشرے کو جرائم سے پاک کیا جاسکے۔