یوکرین کی ویمن ٹیم بلی جین کنگ کپ کے سیمی فائنل میں داخل

جمعرات 18 ستمبر 2025 09:20

بیجنگ (اُردو پوائنٹ اخبارتازہ ترین - اے پی پی۔ 18 ستمبر2025ء) یوکرین کی ویمن ٹیم ویمن ٹینس ایسوسی ایشن(ڈبلیو ٹی اے) بلی جین کنگ کپ کے سیمی فائنل میں پہنچ گئی جبکہ ہسانوی ٹیم یوکرین کے ہاتھوں شکست کے بعد ایونٹ سے باہر ہو گئی ہے۔یوکرین کی ویمن ٹیم نے بلی جین کنگ کپ کے کوارٹر فائنل میں حریف سپین کی ٹیم کوباآسانی 0-2 سے شکست دے کر سیمی فائنل کے لئے کوالیفائی کیا ۔

ڈبلیو ٹی اے بلی جین کنگ کپ کے مقابلے چین کے جنوب مشرقی شہر شینزین کے بے سپورٹس سینٹر میں کھیلے گئے جس کے ویمنز سنگلز مقابلے میں یوکرین اور سپین کی ٹیمیں آمنے سامنے تھیں ۔ یوکرین کی ویمن ٹیم نے حریف سپین کو باآسانی 0-2 سے شکست دی ۔ یوکرین نے دونوں سنگلز مقابلے جیت لئے ۔پہلے سنگلز میچ میں یوکرین کی ٹینس کھلاڑی مارٹا کوسٹیوک نے حریف سپین کی کھلاڑی جیسکا بوزاس مانیرو کو ٹائی بریک پر سٹریٹ سیٹس میں 6-7(3-7)اور 2-6سے ہرا دیا۔

(جاری ہے)

دوسرے سنگلز میچ میں یوکرین کی ٹینس کھلاڑی ایلینا سویٹولینا نے عمدہ کھیل پیش کرتے ہوئے سپین کی ٹینس کھلاڑی پاؤلا بدوسہ کو 7-5، 2-6 اور 5-7سے نہ صرف شکست دی بلکہ بلی جین کنگ کپ کے سیمی فائنل کے لئے بھی کوالیفائی کرلیا۔بلی جین کنگ کپ کے پہلے سیمی فائنل میچ میں دفاعی چیمپئن اٹلی اور یوکرین کی ویمنز ٹیمیں آمنے سامنے ہوں گی۔\932