پشاور، جرائم کی بیخ کنی کیلئے تھانہ ناصر باغ کی حدود میں ٹارگٹڈ سرچ اینڈ سٹرائیک آپریشنز جاری

ہفتہ 20 ستمبر 2025 16:31

پشاور (اُردو پوائنٹ اخبارتازہ ترین - اے پی پی۔ 20 ستمبر2025ء) افسران بالا کی خصوصی ہدایات پر امن و امان کی صورتحال برقرار رکھنے کیلئے ضلع بھر میں ٹارگٹڈ سرچ اینڈ سٹرائیک آپریشنز بدستور جاری ہے۔ ورسک ڈویژن کے تھانہ ناصر باغ کی حدود ریگی للمہ، ڈاگ ریگی للمہ، ریگی للمہ غازی آباد میں جرائم پیشہ عناصر کے خلاف ٹارگٹڈ سرچ اینڈ سٹرائیک آپریشنز کیا گیا۔

(جاری ہے)

پولیس ترجمان کے مطابق آپریشن میں ایس ایچ او تھانہ ناصر باغ سرتاج خان، لوکل پولیس، لیڈیز پولیس اور دیگر یونٹس نے حصہ لیا۔ افسران بالا سے موصول شدہ فہرست میں شامل جرائم پیشہ کے گھر گھر ٹارگٹڈ آپریشنز میں، غیر قانونی اسلحہ نمائش، منشیات فروشوں، غیر رجسٹرڈ کرایہ داروں اور دیگر جرائم پیشہ کو حراست میں لیتے ہوئے اسلحہ اور منشیات بھی برآمد کر لی گئی ہے۔ مجموعی طور پر ملزمان کے قبضے سے دو کلاشنکوف، ایک پستول، 800 گرام آئس، ایک کلو گرام سے زائد چرس اور متعدد کارتوس بھی برآمد کرلئے گئے ہیں۔ مختلف جرائم میں ملوث ملزمان کے خلاف مقدمات درج کرکے مختلف پہلوؤں پر تفتیش شروع کردی گئی ہے۔