پ*امریکا روس پر سخت پابندیاں لگائے‘یوکرین کے صدر زیلینسکی کا مطالبہ

اتوار 21 ستمبر 2025 18:20

3 کیف (اُردو پوائنٹ اخبارتازہ ترین - آن لائن۔ 21 ستمبر2025ء)یوکرین کے صدر زیلینسکی نے کہا ہے کہ امریکا روس پر سخت پابندیاں لگائے۔بین الاقوامی میڈیا کے مطابق یوکرین کے صدر ولادیمیر زیلینسکی نے یورپی یونین کی جانب سے روس پر لگنے والی نئی پابندیوں کے بعد اس امید کا اظہار کیا ہے کہ امریکا روس کے خلاف سخت پابندیاں عائد کرے گا۔

(جاری ہے)

صدر زیلینسکی نے کہا کہ میں یورپی یونین کا روس کے خلاف لگائی جانے والی پابندیوں پر شکر گزار ہوں۔انہوں نے کہا کہ یورپی پابندیوں کے اس نئے پیکج میں ہماری تجاویز پر دھیان دیا گیا ہے۔انہوں نے کہا کہ اب مجھے امید ہے کہ امریکا بھی روس کے خلاف سخت اقدامات اٹھائے گا۔