محسن نقوی کا کلاچی میں بھارتی حمایت یافتہ دہشتگردوں کیخلاف آپریشن پر سکیورٹی فورسز کو خراج تحسین

پیر 22 ستمبر 2025 02:25

اسلام آباد(اُردو پوائنٹ اخبارتازہ ترین - این این آئی۔ 22 ستمبر2025ء)وفاقی وزیرداخلہ محسن نقوی نے ڈیرہ اسماعیل خان کے علاقہ کلاچی میں بھارتی حمایت یافتہ دہشتگردوں کے خلاف کامیاب آپریشن پر سکیورٹی فورسز کو خراج تحسین پیش کیا ہے۔اپنے ایک بیان میں وفاقی وزیر داخلہ نے 7 خوارجیوں کو جہنم واصل کرنے پر سکیورٹی فورسز کی پیشہ وارانہ صلاحیتوں کو سراہا۔

(جاری ہے)

محسن نقوی نے کہا کہ سکیورٹی فورسز نے ایک بار پھر خیبرپختونخوا میں خوارجیوں کے مذموم عزائم کو ناکام بنایا،7 خوارجیوں کو عبرتناک انجام تک پہنچانے پر سکیورٹی فورسز کو سلام پیش کرتا ہوں۔وزیرداخلہ نے کہا کہ قوم سکیورٹی فورسز کے ساتھ شانہ بشانہ کھڑی ہے،سکیورٹی فورسز کی کامیابیوں کو قدر کی نگاہ سے دیکھتے ہیں۔ محسن نقوی نے کہا کہ خوارجیوں کو کہیں بھی چھپنے کی جگہ نہیں ملے گی۔