تعلیمی بورڈ کے زیرِاہتمام انٹر میڈیٹ کا دوسرا سالانہ امتحان 29 اکتوبر2025ء سے ہوگا، سیکرٹری تعلیمی بورڈ

پیر 22 ستمبر 2025 18:09

سرگودها (اُردو پوائنٹ اخبارتازہ ترین - اے پی پی۔ 22 ستمبر2025ء) سیکرٹری بورڈ آف انٹر میڈیٹ اینڈ سیکنڈری ایجو کیشن سرگودها ابوالحسن نقوی نے کہا ہے کہ بورڈ ہذا کے زیرِ اہتمام انٹر میڈیٹ کے دوسرے سالانہ امتحان 2025ء کا آغاز 29 اکتوبر2025ء سے ہوگا ۔ جس کے لیے آن لائن داخلہ فارمز کی ہارڈ کاپی مع جمع شد و فیس بذریعہ آن لائن بینک چالان دفتر بورڈ آف انٹر میڈیٹ اینڈ سیکنڈری ایجو کیشن واقع 49 ٹیل سرگودھا میں وصول ہونے کا شیڈ دل حسب ذیل ہے۔

(جاری ہے)

جاری کردہ شیڈول کے مطابق بغیر لیٹ فیس داخلہ فارم و فیس وصول کرنے کی تاریخ 20 ستمبر سے 30 ستمبر 2025ء تک ہوگی۔ اسی طرح دو گنا فیس کے ساتھ داخلہ فارم و فیس یکم اکتوبر سے 7 اکتوبر 2025ء تک وصول کئے جائیں گے جبکہ تین گنا فیس کے ساتھ داخلہ فارم و فیس وصول کرنے کی آخری تاریخ 8 اکتوبر سے 13 اکتوبر 2025ء تک ہوگی۔ اس کے علاوہ تین گنا فیس بمعہ 500 روپے یومیہ جرمانے کے ساتھ 14 اکتوبر سے 20 اکتوبر 2025ء تک فارم وصول کئے جائیں گے۔ سیکرٹری بورڈ آف انٹر میڈیٹ اینڈ سیکنڈری ایجو کیشن ابوالحسن نقوی نے کہا کہ 20 اکتوبر2025ء کے بعد کوئی واخلہ فارم وصول نہیں کیا جائے گا جس کی تمام تر ذُمہ داری اُمیدواران پر ہوگی۔

Facebook Twitter Google + Share on Whatsapp

تعلیمی بورڈ کے زیرِاہتمام انٹر میڈیٹ کا دوسرا سالانہ امتحان 29 اکتوبر2025ء سے ہوگا، سیکرٹری تعلیمی بورڈ

مزید تعلیم کی خبریں