پشاورمیں رشتے کے تنازع پر چچا نے 17 سالہ بھتیجی کو قتل کردیا

منگل 23 ستمبر 2025 14:28

پشاور(اُردو پوائنٹ اخبارتازہ ترین - این این آئی۔ 23 ستمبر2025ء)پشاور کے علاقے غریب آباد میں رشتے کے تنازع پر چچا نے 17سالہ بھتیجی کو فائرنگ کرکے قتل کردیا۔ایکسپریس نیوز کے مطابق پشاور کے تھانہ چمکنی کی حدود میں گھر کے اندر فائرنگ کا واقعہ پیش آیا جس میں 17 سالہ لڑکی کو قتل کیا گیا۔

(جاری ہے)

مقتولہ کے والد محمد عیسیٰ نے پولیس میں رپورٹ درج کرواتے ہوئے مؤقف اختیار کیا کہ وہ غریب آباد میں اپنے گھر پر موجود تھے کہ اس دوران بھائی نے گھر میں داخل ہوکر رشتے کے تنازع پر بیٹی ماہ نور پر فائرنگ کی جس کے نتیجے میں وہ موقع پر جاں بحق ہوگئی۔

درخواست گزار نے اپنے بھائی عظیم اللہ کو ایف آئی آر میں نامزد کیا اور بتایا کہ بیٹی کو سر پر قریب سے گولی مار کر قتل کیا گیا۔واردات کے بعد پولیس نے جائے وقوعہ سے شاہد اکٹھے کر لئے جبکہ لاش کو ضابطے کی کارروائی کے بعد ورثا کے حوالے کردیا۔پولیس نے مقدمہ درج کرنے کے بعد ملزم کی گرفتاری کیلئے چھاپہ مار کارروائیاں شروع کردی ہیں۔