Live Updates

ر یجن کے سیلاب متاثرہ علاقوں میں بجلی کی بحالی کے لیے ہنگامی اقدامات کئے جارہے ہیں،ترجمان فیسکو

بدھ 24 ستمبر 2025 13:32

فیصل آباد (اُردو پوائنٹ اخبارتازہ ترین - اے پی پی۔ 24 ستمبر2025ء) فیصل آباد الیکٹرک سپلائی کمپنی( فیسکو ) کےچیف ایگزیکٹو انجینئر محمد عامر کی ہدایت پرر یجن کے سیلاب سے متاثرہ علاقوں میں بجلی کی بحالی کے لیے ہنگامی اقدامات کئے جارہے ہیں۔ فیسکو کے ترجمان سعید رضا نے اے پی پی کو بتایا کہ مختلف اضلاع چنیوٹ،جھنگ،سرگودھا،ٹوبہ ٹیک سنگھ ،میانوالی اور ڈیرہ اسماعیل خان سے ملحقہ کچھ علاقوں میں سیلابی ریلوں نے گرڈسٹیشنز،فیڈرز، کھمبوں،ٹرانسفارمرزاور ٹرانسمیشن لائنوں کو نقصان پہنچایا جن کی بحالی کےلئے ادارے کی خصوصی ٹیمیں دن رات متحرک ہیں اور سیفٹی اصولوں کے مطابق صارفین کو ریلیف فراہم کررہی ہیں۔

انہوں نے کہا کہ سیلاب سے متاثرہ علاقوں میں فیلڈسٹاف ایس ایز آپریشن اور دیگر افسران کی زیر نگرانی بحالی کے کامو ں میں مصروف ہے۔

(جاری ہے)

ا ن کا کہنا تھا کہ سیلاب کی وجہ سے فیصل آباد میں 4گرڈسٹیشنز اور6فیڈرزچنیوٹ میں 5گرڈسٹیشنز،24فیڈرز،جھنگ میں 9گرڈسٹیشنز اور34فیڈرز، سرگودھامیں 2گرڈسٹیشنز،5فیڈرز، ٹوبہ ٹیک سنگھ میں 4گرڈسٹیشنز اور8فیڈرز،میانوالی میں 3گرڈسٹیشنز،3فیڈرزجبکہ ڈیرہ اسماعیل خان میں فیسکو سے ملحقہ علاقوں میں ایک گرڈسٹیشن اور ایک فیڈر کو نقصان پہنچا۔

انہوں نے کہا کہ فیسکو کے متاثرہ فیڈرز میں سے62مکمل اور19عارضی طور پر بحال کرکے 204383متاثرہ صارفین میں سے198878صارفین کی بجلی بحال کر دی گئی جبکہ باقی ماندہ 5505متاثرہ صارفین کےلئے بجلی بحالی آج (24ستمبر) تک مکمل کر لی جائے گی۔اسی طرح گرے ہوئے پولز اور ٹرانسمیشن لائنوں کی بحالی کا کام بھی جاری ہے،ان کی مکمل بحالی سیلابی پانی کی سطح میں مزید کمی پر کی جائے گی۔دریں اثنا چیف ایگزیکٹو فیسکو انجینئر محمد عامر کا کہنا ہے کہ فیسکو افسران و ملازمین دکھ کی اس گھڑی میں اپنے ہم وطنوں کے ساتھ ہیں۔انہوں نے صارفین سے اپیل کی کہ وہ سیلاب سے متاثرہ علاقوں میں بجلی کے کھمبوں،تاروں اور دیگر تنصیبات سے دوررہیں اور اپنی جان و مال اور بچوں کی زندگی کی حفاظت کو یقینی بنائیں۔