فیصل آباد پولیس کی کارروائیاں، گزشتہ 24 گھنٹوں کے دوران 29 اشتہاریوں سمیت 127 ملزمان گرفتار

بدھ 24 ستمبر 2025 22:40

فیصل آباد (اُردو پوائنٹ اخبارتازہ ترین - اے پی پی۔ 24 ستمبر2025ء) فیصل آباد پولیس نےمختلف کارروائیوں کے دوران گزشتہ 24 گھنٹوں کے دوران 29 اشتہاریوں سمیت 127 ملزمان گرفتار کرلئے۔ تفصیلات کے مطابق فیصل آباد پولیس نے گزشتہ 24 گھنٹوں کے دوران ضلع بھر میں تھانوں کی حدود میں کارروائیوں کے دوران سنگین جرائم میں ملوث 29 اشتہاریوں سمیت 127 ملزمان گرفتار کرلئے۔

ترجمان پولیس نے بتایا کہ سی پی او فیصل آباد صاحبزادہ بلال عمر کی زیر نگرانی جرائم پیشہ عناصر کیخلاف کریک ڈاؤن جاری ہے۔ فیصل آباد پولیس نے چوبیس گھنٹوں کے دوران مختلف کارروائیوں 22 منشیات فروش اور 18 ناجائز اسلحہ رکھنے والے ملزمان گرفتار کئے۔منشیات فروشوں سے 6.200کلو گرام چرس، 5.030کلو گرام ہیروئن اور 115 لیٹر شراب برآمد کی گئی۔

(جاری ہے)

ناجائز اسلحہ رکھنے والے ملزمان سے 16 پسٹل,ایک ایم پی فائیو اور ایک کلاشنکوف برآمد کرکے مقدمات درج کرلئے گئے۔

سنگین مقدمات کے مجموعی طور چوبیس گھنٹوں میں 127 ملزمان گرفتار کئے گئے۔دیگر مقدمات میں مطلوب افراد کو بھی گرفتار کر کے پابند سلاسل کیا گیا۔سنگین جرائم کے 29 اشتہاری گرفتار کئے گئے۔عدالتی مفرور ملزمان کے خلاف کارروائیوں میں 28 ملزمان کو گرفتار کیا گیا۔ ملزمان کیخلاف درج مقدمات کے تحت قانونی کارروائی شروع کردی گئی ہے۔