چیچہ وطنی،غازی آباد کے علاقہ میں خاوند نے بیوی کو قتل کرکے کپڑے میں لپٹی نعش کھیتوں میں پھینک دی، ملزم فرار

جمعرات 25 ستمبر 2025 13:40

چیچہ وطنی (اُردو پوائنٹ اخبارتازہ ترین - اے پی پی۔ 25 ستمبر2025ء) غازی آباد کے علاقہ میں خاوند نے بیوی کو قتل کرکے کپڑے میں لپٹی نعش کھیتوں میں پھینک دی۔

(جاری ہے)

پولیس کے مطابق گاؤں 175،نائن ایل میں مسماة فوزیہ بی بی کی شادی 10سال قبل ملزم منور حسین کیساتھ ہوئی جن کے ہاں اس عرصہ میں تین بیٹے پیدا ہوئے، تاہم میاں بیوی کے مابین جھگڑا رہنے لگا اور ملزم اپنی بیوی پر تشدد بھی کرنے لگا،وقوعہ کے روز بھی ملزم نے تلخ کلامی کے بعد اپنی بیوی پر تشد دکے بعد گلا دبا کر اسے قتل کردیا اور نعش چادر میں لپیٹ کر کچھ ہی فاصلے پر چارے کی فصل میں پھینک دی اور فرار ہوگیا۔پولیس نے کھیتوں سے مقتولہ کی نعش برآمد کرکے ملزم کیخلاف مقدمہ درج کر لیا ہے، تاہم تاحال ملزم گرفتار نہیں ہوسکا۔\378