اسلام آباد پولیس کا جر ائم پیشہ عناصر کے خلاف مو ثر کر یک ڈائون جار ی، 18 ملزمان گرفتار

جمعرات 25 ستمبر 2025 21:10

اسلام آباد (اُردو پوائنٹ اخبارتازہ ترین - اے پی پی۔ 25 ستمبر2025ء) اسلام آباد پولیس کا جر ائم پیشہ عناصر کے خلاف مو ثر کر یک ڈائون جار ی ہے، سنگین جر ائم میں ملو ث 6 اشتہا ری مجرمان سمیت18جر ائم پیشہ عناصر گرفتار کر لیے گئے،ملزمان کے قبضہ سے منشیات اور اسلحہ معہ ایمونیشن برآمد ہوا، گرفتار ملزمان کے خلاف مختلف تھانہ جات میں مقدمات درج ہیں۔پولیس ترجمان کے مطابق تھانہ سیکر ٹریٹ، تھانہ کوہسار، تھانہ شالیمار، تھانہ ترنول، تھانہ سبزی منڈی، تھانہ کھنہ، تھانہ ہمک، تھانہ لوہی بھیراور تھانہ بہارہ کہو پولیس ٹیموں نے12ملزمان کو گرفتار کرکے ان کے قبضہ سے650گر ام ہیر وئن،528آئس اور مختلف بور کے پا نچ عدد پستول اور ایک عدد رائفل معہ ایمونیشن برآمد کرلئے۔

گرفتارملزمان کے خلاف متعدد مقدمات درج ہیں جبکہ مزید تفتیش جاری ہے،اسی طرح مجرمان اشتہاری اور عدالتی مفروران کی گرفتار ی کیلئے چلائی جانے والی خصوصی مہم کے دوران06 مجرمان کی گرفتار ی بھی عمل میں لائی گئی۔

(جاری ہے)

ایس ایس پی آپریشنز اسلام آ باد محمد شعیب خان نے کہاکہ اسلام آباد پولیس وفاقی دارالحکومت میں شہریوں کی جان و مال کے تحفظ کو یقینی بنانے کے لئے ہمہ وقت مصروف عمل ہے،کسی بھی عناصر کو شہریوں کے امن میں خلل ڈالنے کی اجازت نہیں دی جائے گی،شہریوں کی جان و ما ل کی حفاظت اسلام آباد پولیس کی اولین ترجیح ہے، شہریوں سے بھی گزارش ہے کہ کسی بھی مشکوک سرگرمی کے متعلق متعلقہ تھانہ یا ایمرجنسی ہیلپ لائن"پکار-15" پرفوری اطلاع دیں تاکہ پولیس اور عوام کے باہمی تعاون سے شہر کوجرائم سے پاک کیاجاسکے۔