داخلہ محسن نقوی کا لکی مروت میں فتنہ الخوارج کے خلاف کامیاب آپریشن پر سکیورٹی فورسز کو خراج تحسین

ہفتہ 27 ستمبر 2025 17:22

اسلام آباد (اُردو پوائنٹ اخبارتازہ ترین - اے پی پی۔ 27 ستمبر2025ء) وفاقی وزیرداخلہ محسن نقوی نے ضلع لکی مروت کے علاقے درشک میں فتنہ الخوارج کے خلاف کامیاب آپریشن پر سکیورٹی فورسز کو خراج تحسین پیش کیا ہے۔

(جاری ہے)

ہفتہ کو وزارت داخلہ کی جانب سے جاری بیان کے مطابق وزیرداخلہ محسن نقوی نے 17 خوارجی دہشتگردوں کو جہنم واصل کرنے پر سکیورٹی فورسز کی پیشہ وارانہ صلاحیتوں کو سراہا ۔

انہوں نے کہا کہ سکیورٹی فورسز نے کامیاب آپریشن کرکے خوارجی دہشتگردوں کے مذموم عزائم کو ناکام بنایا، سکیورٹی فورسز کے بہادر جوانوں کو سلام پیش کرتا ہوں۔ محسن نقوی نے کہا کہ سکیورٹی فورسز نے فتنہ الخوارج کے خلاف نمایاں کامیابیاں سمیٹی ہیں، قوم سیکورٹی فورسز کی کامیاب کارروائیوں کو قدر کی نگاہ سے دیکھتی ہے۔