برطانوی پاکستانی کوہ پیما نادیہ آزاد نے ماؤنٹ مناسلو سر کرلی

نادیہ آزاد صبح 5 بجے نیپال میں واقع مناسلو کی چوٹی کے ٹاپ پر پہنچیں۔ماؤنٹ مناسلو نادیہ آزاد کی 8 ہزار میٹر سے بلند چوتھی چوٹی ہے

اتوار 28 ستمبر 2025 12:40

منیلا(اُردو پوائنٹ اخبارتازہ ترین - این این آئی۔ 28 ستمبر2025ء) برطانوی پاکستانی کوہ پیما نادیہ آزاد نے ماؤنٹ مناسلو سر کر لی، 8 ہزار 163 میٹر بلند مناسلو دنیا کی آٹھویں بلند ترین چوٹی ہے۔نادیہ آزاد صبح 5 بجے نیپال میں واقع مناسلو کی چوٹی کے ٹاپ پر پہنچیں۔

(جاری ہے)

ماؤنٹ مناسلو نادیہ آزاد کی 8 ہزار میٹر سے بلند چوتھی چوٹی ہے، جس سے قبل وہ ماؤنٹ اناپورنا، ایوریسٹ اور لوٹسے کو سر کر چکی ہیں۔

نادیہ آزاد 8 ہزار میٹر سے بلند 4 چوٹیاں سر کرنے والی دوسری پاکستانی خاتون ہیں، وہ اس کے علاوہ سیون سمٹس کا سلسلہ بھی سر کر چکی ہیں۔نادیہ آزاد کوہ پیمائی کے ساتھ میراتھون رنر بھی ہیں، وہ اکتوبر میں شکاگو میراتھون میں بھی حصہ لیں گی۔نادیہ اس سے قبل نیو یارک، برلن اور لندن میراتھون مکمل کرچکی ہیں۔