Live Updates

آئی سی سی نے کھلاڑیوں کی نئی رینکنگ جاری کر دی، بیٹرزمیں انگلینڈ کے جوروٹ کی پہلی پوزیشن برقرار

بدھ 15 اکتوبر 2025 16:43

دبئی (اُردو پوائنٹ اخبارتازہ ترین - این این آئی۔ 15 اکتوبر2025ء) انٹرنیشنل کرکٹ کونسل (آئی سی سی) نے کرکٹرز کی نئی رینکنگ جاری کر دی۔جس کے مطابق بیٹرز میں انگلینڈ کے جو روٹ کی پہلی پوزیشن برقرار ہے۔بھارت کے یشسوی جیسوال دو درجہ بہتری کے بعد پانچویں نمبر پر آگئے جبکہ جنوبی افریقہ کے ٹیمبا باووما ایک درجہ تنزلی کے بعد چھٹے نمبر پر چلے گئے ہیں۔

پاکستان کے سعود شکیل کی 12ویں، محمد رضوان 20 ویں جبکہ بابراعظم کی 24ویں پوزیشن برقرار ہے۔بولرز کی رینکنگ میں بھارت کے جسپریت بمرا کی پہلی اور پاکستان کے نعمان علی کی چھٹی پوزیشن برقرار ہے۔بھارت کے کلدیپ یادیو 7 درجہ بہتری کے بعد 14ویں نمبر پر آگئے ہیں جبکہ پاکستان کے شاہین آفریدی ایک درجہ بہتری کے بعد 22 ویں نمبر پر آگئے ہیں۔

(جاری ہے)

آئی سی سی ٹیسٹ آل رائونڈرز کی رینکنگ میں بھارت کے رویندرا جڈیجہ کی پہلی پو زیشن برقرار ہے۔

جنوبی افریقہ کے کاربن بوش 2 درجہ بہتری کے بعد 12 ویں جبکہ کگیسو ربادا ایک درجہ بہتری کے بعد 14 ویں نمبر پر پہنچ گئے۔نئی رینکنگ کے مطابق ون ڈے بیٹرز کی رینکنگ میں بھارت کے شبمن گل کی پہلی پوزیشن برقرار ہے۔ افغانستان کے ابراہیم زدران 8 درجہ لمبی چھلانگ کے بعد دوسرے نمبر پر آگئے۔بھارت کے روہت شرما ایک درجہ تنز لی کے بعد تیسرے جبکہ پاکستان کے بابراعظم ایک درجہ تنزلی کے بعد چوتھے نمبر پر چلے گئے۔

ان کے علاوہ، افغانستان کے محمد نبی 6 درجہ بہتری کے بعد 50 ویں نمبر پر آگئے۔افغانستان کے راشد خان ون ڈے میں جنوبی افریقہ کے کیشو مہاراج سے پہلی پوزیشن چھین کر نمبر ون بولر بن گئے۔راشد خان 5 درجہ بہتری کے بعد نمبر ون بولر بنے جبکہ جنوبی افریقہ کے کیشو مہاراج ایک درجہ تنز لی کے بعد دوسرے نمبر پر چلے گئے۔افغانستان کے عظمت اللّٰہ عمر زئی 19 درجہ بہتری کے بعد 21 ویں نمبر پر پہنچ گئے۔افغانستان کے عظمت اللّٰہ عمر زئی ون ڈے کرکٹ میں نمبر ون آل راونڈر بن گئے اور زمبابوے کے سکندر رضا ایک درجہ تنزلی کے بعد دوسرے نمبر پر چلے گئے جبکہ افغانستان کے راشد خان 2 درجہ بہتری کے بعد چوتھے نمبر پر پہنچ گئے۔