کراچی، کمسن بچوں کیساتھ گھر کے دروازے پر کھڑے شخص کو فائرنگ سے قتل کر دیا گیا

سی سی ٹی وی ویڈیو میں دیکھا جا سکتا ہے کہ موٹرسائیکل سوار ملزمان شہری کے پاس آکر رُکے، اِسے دھکا دیا اور گولی مار دی

پیر 29 ستمبر 2025 11:15

کراچی (اُردو پوائنٹ اخبارتازہ ترین - این این آئی۔ 29 ستمبر2025ء)کراچی کے علاقے اورنگی ٹاؤن میں گھر کے دروازے پر کھڑے شخص کو فائرنگ کر کے قتل کردیا گیا۔

(جاری ہے)

فائرنگ کے وقت شخص اپنے گھر کے دروازے پر بچوں کے ساتھ کھڑا تھا، ایک بچہ مقتول کی گود میں جبکہ دوسرا بچہ اِس کے ساتھ کھڑا تھا۔سی سی ٹی وی ویڈیو میں دیکھا جا سکتا ہے کہ موٹرسائیکل سوار ملزمان شہری کے پاس آکر رُکے، اِسے دھکا دیا اور گولی مار دی۔