گلوبل ہائوس کمپنی کا جدہ میں ٹرمپ پلازہ منصوبہ لانچ کرنےکا اعلان

منگل 30 ستمبر 2025 10:40

جدہ (اُردو پوائنٹ اخبارتازہ ترین - اے پی پی۔ 30 ستمبر2025ء) گلوبل ہائوس کمپنی نے جدہ میں ٹرمپ ٹاور کے بعد ٹرمپ پلازہ منصوبہ لانچ کرنےکا اعلان کیا ہے جس کی مجموعی مالیت ایک ارب امریکی ڈالر ہو گی۔ اردو نیوز کے مطابق کمپنی نے دسمبر 2024 میں ٹرمپ ٹاور پراجیکٹ کا آغاز کیا تھا جو ٹرمپ آرگنائزیشن کے تعاون سے پہلا بڑا تعمیراتی منصوبہ تھا۔

(جاری ہے)

ٹرمپ پلازہ پراجیکٹ جدہ شہر کے قلب میں کنگ عبدالعزیز شاہراہ کے اطراف میں ہو گا، جس میں لگژری رہائش، فلٹیس اور ہوٹلز کے علاوہ آفسز اور فرسٹ کلاس ٹاون ہاوسز سکیم بھی منصوبے کا حصہ ہے۔

کمپنی نے کہا کہ پراجیکٹ کے مرکزی و اہم حصے پر وسیع وعریض پارک تعمیر کیا جائے گا جو نیویارک کے مشہور سینٹرل پارک کی طرز کا ہوگا جس کے اطراف میں رہائشی یونٹس، فلیٹس اور ہوٹلز ہوں گے ،ٹرمپ پلازہ رہائش، کاروبار اور تفریح کےلیے ایک منفرد مقام ہو گا جہاں لگژری اپارٹمنٹس اور دفاتر کے علاوہ ریستوران، کافی شاپس اور بہت کچھ ہوگا۔