کراچی کے علاقے ملیر میں زلزلے کے جھٹکے محسوس کیے گئے

کراچی میں صبح 9 بج کر 34 منٹ پر زلزلے کے جھٹکے ،ریکٹر اسکیل پر زلزلے کی شدت 3.2 بتائی گئی

بدھ 1 اکتوبر 2025 12:55

کراچی (اُردو پوائنٹ اخبارتازہ ترین - این این آئی۔ 01 اکتوبر2025ء)کراچی کے علاقے ملیر میں زلزلے کے جھٹکے محسوس کیے گئے ہیں۔ریکٹر اسکیل پر زلزلے کی شدت 3.2 بتائی گئی ہے جبکہ اس کی گہرائی 10 کلومیٹر بتائی جارہی ہے۔

(جاری ہے)

زلزلہ پیما مرکز کے مطابق کراچی میں صبح 9 بج کر 34 منٹ پر زلزلے کے جھٹکے محسوس کیے گئے۔اس موقع پر لوگ گھروں اور دیگر عمارتوں سے باہر نکل آئے اور کلمہ طیبہ کا ورد کرنے لگے۔ زلزلے کے باعث کسی جانی یا دیگر نقصان کی اطلاع نہیں ملی۔