محکمہ تعلیم سندھ نے 10 ہزار سے زائد اساتذہ کے تبادلے کردیئے

جمعرات 2 اکتوبر 2025 15:51

کراچی(اُردو پوائنٹ اخبارتازہ ترین - این این آئی۔ 02 اکتوبر2025ء)محکمہ تعلیم سندھ نے صوبے بھر میں بڑے پیمانے پر اساتذہ کے تبادلے کرتے ہوئے دس ہزار سے زائد اساتذہ کو مختلف اسکولوں میں تعینات کر دیا ہے۔

(جاری ہے)

محکمہ تعلیم سندھ کے مطابق ان تبادلوں کے نتیجے میں 1320 بند اسکول دوبارہ فعال ہوجائیں گے جبکہ مختلف اسکولوں میں موجود 1550 اساتذہ کی کمی کو بھی پورا کیا جائیگا،کراچی سمیت صوبے بھر میں ایسے اسکول جہاں صرف ایک استاد تعینات تھا،وہاں بھی1328اساتذہ کومتبادل طور پرتعینات کیا گیا ہے تاکہ تعلیمی معیار میں بہتری لائی جا سکے۔

محکمہ تعلیم کے مطابق ویڈ لاک پالیسی کے تحت مجموعی طور پر 1671 اساتذہ کے تبادلے کیے گئے ہیں،جن میں 1198 خواتین اساتذہ شامل ہیں،یہ تبادلے خواتین اساتذہ کی سہولت کو مدنظر رکھتے ہوئے کیے گئے ہیں۔اسی پالیسی کے تحت چار سو تہتر مرد اساتذہ کے تبادلے بھی عمل میں لائے گئے ہیں۔محکمہ تعلیم کا کہنا ہے کہ یہ اقدامات صوبے کے تعلیمی اداروں کو فعال بنانے اور تعلیمی معیار بلند کرنے کی ایک اہم کوشش کا حصہ ہیں