ہم روس کے ساتھ تصادم کے حالت میں ہیں‘ فرانسیسی صدر

جمعرات 2 اکتوبر 2025 22:51

یرس (اُردو پوائنٹ اخبارتازہ ترین - آن لائن۔ 02 اکتوبر2025ء)فرانسیسی صدر ایمانویل میکرون نے کہا کہ ہم روس کے ساتھ تصادم کی حالت میں ہے۔غیرملکی میڈیا کے مطابق دونوں ممالک کے درمیان تصادم میں شدت اختیار کرگیا ہے، فرانسیسی صدر ایمانویل میکرون نے یورپی یونین پر زور دیتے ہوئے کہا کہ روس کے ساتھ معاملات نمٹاتے ہوئے احتیاط سے کام لیا جائے۔گزشتہ دنوں فرانسیسی بحریہ نے ایک روسی آئل ٹینکر بوراکے پر قبضہ کرلیا ہے، اس واقعے کا حوالہ دیتے ہوئے فرانسیسی صدر نے کہا کہ آئل ٹینکر کے روسی عملے نے آئل ٹینکر کو فرانسیسی ساحلوں کے نزدیک لاکر سنگین غلطی کی ہے۔

انہوں نے بتایا کہ فرانسیسی حکام نے اب اس حوالے سے تحقیقات شروع کردی ہیں۔فرانسیسی صدر نے حراست میں لیے گئے روسی ٹینک اور اس کے عملے کے حوالے سے کہا کہ معاملہ تاحال ہمارے نظام انصاف کے کنٹرول میں ہے۔

(جاری ہے)

انہوں نے مزید کہا کہ ہمیں پتہ ہے کہ روس کے پاس بحیرہ بالٹک، بحیرہ شمالی، بحیرہ روم اور بحیرہ اوقیانوس میں 600 سے 1 ہزار جہاز ہیں جو آپ کے شیڈو فلیٹ کا حصہ ہیں۔اس سے قبل ڈین مارک کی فضائی حدود میں ڈرونز کی پروازوں کے معاملے پر غور کیا جارہا ہے۔میڈیا رپورٹس کے مطابق قبضے میں لیے گئے آئل ٹینکر گزشتہ مہینے کی 20 تاریخ کو روس سے روانہ ہوا تھا اور پروگرام کے مطابق اس جہاز کو 20 اکتوبر کو بھارت پہنچنا تھا، لیکن یہ کئی دن تک فرانسیسی ساحل سینٹ نزائر کے پاس لنگر انداز رہا۔