ئ*ڈرگ فری پنجاب: لاہور سمیت صوبہ بھر میں پنجاب پولیس کے انسداد منشیات آپریشنز جاری

24 گھنٹوں کے دوران منشیات فروشوں کے ٹھکانوں پر 210 چھاپے، 126 منشیات فروش گرفتار، ترجمان پنجاب پولیس

جمعرات 2 اکتوبر 2025 20:30

]لاہور (اُردو پوائنٹ اخبارتازہ ترین - آن لائن۔ 02 اکتوبر2025ء) انسپکٹر جنرل پولیس پنجاب ڈاکٹر عثمان انور کی ہدایت پر ڈرگ فری پنجاب ویژن کی تکمیل میں پنجاب پولیس کے صوبہ بھر میں انسداد منشیات آپریشنز جاری ہیں۔ ترجمان پنجاب پولیس نے تفصیلات بتاتے ہوئے کہا کہ گزشتہ 24 گھنٹوں کے دوران منشیات فروشوں کے ٹھکانوں پر 210 چھاپے مارے گئے اور 126 منشیات فروشوں کو گرفتار کیا گیا۔

(جاری ہے)

گرفتار ملزمان کے قبضہ سے 46 کلو گرام چرس، 4 کلو گرام آئس، 12 کلو گرام ہیروئن اور 1241 لیٹر شراب بھی برآمد کی گئی۔آئی جی پنجاب نے ہدایت کی کہ منشیات ڈیلرز اور سمگلرز کے خلاف سپیشل آپریشنز مزید تیز کیے جائیں۔ منشیات کی سپلائی چین میں ملوث تمام ملزمان کو قانون کی گرفت میں لا کر انہیں سخت سزائیں دلوائی جائیں۔ آئی جی پنجاب نے مزید کہا کہ تعلیمی اداروں اور ہاسٹلز کے گردونواح میں منشیات فروشی میں ملوث افراد کے خلاف کاروائیوں میں تیزی لائی جائی