گزشتہ24 گھنٹوں کے دوران منشیات فروشوں کے ٹھکانوں پر 210 چھاپے، 126 منشیات فروش گرفتارکئے،ترجمان

جمعرات 2 اکتوبر 2025 22:20

لاہور (اُردو پوائنٹ اخبارتازہ ترین - اے پی پی۔ 02 اکتوبر2025ء) انسپکٹر جنرل پولیس پنجاب ڈاکٹر عثمان انور کی ہدایت پر ڈرگ فری پنجاب ویژن کی تکمیل میں پنجاب پولیس کے صوبہ بھر میں انسداد منشیات آپریشنز جاری ہیں۔

(جاری ہے)

ترجمان پنجاب پولیس نے تفصیلات بتاتے ہوئے کہا کہ گزشتہ 24 گھنٹوں کے دوران منشیات فروشوں کے ٹھکانوں پر 210 چھاپے مارے گئے اور 126 منشیات فروشوں کو گرفتار کیا گیا، گرفتار ملزمان کے قبضہ سے 46 کلو گرام چرس، 4 کلو گرام آئس، 12 کلو گرام ہیروئن اور 1241 لیٹر شراب بھی برآمد کی گئی۔

ترجمان نے بتایا کہ آئی جی پنجاب نے ہدایت کی ہے کہ منشیات ڈیلرز اور سمگلرز کے خلاف سپیشل آپریشنز مزید تیز کیے جائیں۔،منشیات کی سپلائی چین میں ملوث تمام ملزمان کو قانون کی گرفت میں لا کر انہیں سخت سزائیں دلوائی جائیں۔ آئی جی پنجاب نے مزید کہا کہ تعلیمی اداروں اور ہاسٹلز کے گردونواح میں منشیات فروشی میں ملوث افراد کے خلاف کاروائیوں میں تیزی لائی جائے۔