راولپنڈی پولیس کا مختلف علاقوں میں سرچ آپریشن

گھروں، دوکانوں،کرایہ داروں کے کرایہ داری کوائف، کباڑخانے، ہوٹل اورافراد کے کوائف کا اندراج

بدھ 8 اکتوبر 2025 18:52

راولپنڈی(اُردو پوائنٹ اخبارتازہ ترین - این این آئی۔ 08 اکتوبر2025ء) راولپنڈی پولیس نے مختلف علاقوں میں سرچ آپریشن کے دوران گھروں، دوکانوں،کرایہ داروں کے کرایہ داری کوائف، کباڑخانے، ہوٹل اورافراد کے کوائف کا اندراج کرلیا۔

(جاری ہے)

تفصیلات کے مطابق سی پی او سید خالد ہمدانی کی ہدایت پر راولپنڈی پولیس نے مختلف علاقوں میں سرچ آپریشن کیا، سرچ آپریشن میں مقامی پولیس، ایلیٹ فورس، لیڈیز پولیس سمیت دیگر قانون نافذ کرنے والے اداروں نے حصہ لیا، سرچ آپریشن میں 219 گھروں،139 دوکانداروں، 13کرایہ داروں کے کرایہ داری کوائف، 06 کباڑ خانے، 02 ہوٹل اور 450 سے زائد افراد کے کوائف کا اندراج کیا گیا،سرچ آپریشن تھانہ روات، چونترہ،کلر سیداں، جاتلی،کہوٹہ، مندرہ، سول لائنز، ریس کورس، نصیرآباد، صدر واہ، رتہ امرال، گنجمنڈی اور پیرودہائی کے علاقوں میں کیا گیا۔

ڈویژنل ایس پیز نے کہا کہ سرچ آپریشنز کا مقصد جرائم پیشہ عناصر کی بیخ کنی کرنا ہے، نیشنل ایکشن پلان کے تحت سرچ آپریشنز کا سلسلہ جاری رہے گا۔