ایل ڈی اے کی غیرقانونی کمرشل عمارتوں،کمرشل فیس نادہندگان املاک کے خلاف بلاامتیاز کارروائیاں جاری

بدھ 8 اکتوبر 2025 20:10

لاہور (اُردو پوائنٹ اخبارتازہ ترین - اے پی پی۔ 08 اکتوبر2025ء) ایل ڈی اے ٹان پلاننگ ونگ غیرقانونی کمرشل عمارتوں اورکمرشل فیس نادہندگان املاک کے خلاف متحرک ہے۔ ایل ڈی اے ٹیموں نے گزشتہ روزمختلف سکیموں اور ایل ڈی اے کنٹرولڈ ایریا میں آپریشن کرکے3املاک مسمارجبکہ 44 املاک سربمہرکر دیں۔ ایل ڈی اے ٹیموں نے سبزہ زار کنٹرولڈ ایریا، شادباغ، کینال روڈ، جوہر ٹاون میں آپریشن کیا۔

ٹیموں نے سبزہ زار کنٹرولڈ ایریا میں 3غیرقانونی تعمیرات مسمار کر دیں۔

(جاری ہے)

غیرقانونی کمرشل استعمال، کمرشل فیس کی عدم ادائیگی پرشادباغ، کینال روڈکے اطراف میں 20املاک سربمہر کر دیں۔ٹیموں نے ریکوری آپریشن کے دوران جوہر ٹاون میں 24سیل کر دیں۔ سیل کی گئی املاک میں فوڈ پوائنٹ، ریستوران،نجی سکول،کلینک،فارمیسی، دکانیں، دفاتر ودیگر شامل ہیں۔ آپریشن چیف ٹاون پلانرون اسد الزمان اور چیف ٹاون پلانر ٹو اظہر علی کی زیر نگرانی کیا گیا۔ان کی ہدایت پر غیرقانونی کمرشل عمارتوں،کمرشل فیس نادہندگان املاک کے خلاف بلاامتیاز کارروائیاں جاری ہیں۔

Facebook Twitter Google + Share on Whatsapp

ایل ڈی اے کی غیرقانونی کمرشل عمارتوں،کمرشل فیس نادہندگان املاک کے خلاف بلاامتیاز کارروائیاں جاری

مزید قومی خبریں