Live Updates

ملک گیر انسداد سمگلنگ کارروائیوں میں 17کروڑ روپے سے زائد کی منشیات برآمد

مان کو گرفتار کرکے مجموعی طور پر 637کلو سے زائد منشیات برآمد کی گئی، ترجمان اے این ایف

جمعرات 9 اکتوبر 2025 20:30

راولپنڈی (اُردو پوائنٹ اخبارتازہ ترین - این این آئی۔ 09 اکتوبر2025ء) ملک بھر میں 7انسداد سمگلنگ آپریشنز کے دوران 17کروڑ 24 لاکھ روپے سے زائد مالیت کی 637.2 کلو منشیات برآمد کر کے 7ملزمان کو گرفتار کرلیا گیا ۔ترجمان کے مطابق فاروق اعظم چوک اٹک کے قریب ایک گاڑی سے 1.2 کلوگرام چرس برآمد ہوئی، جب کہ ڈسٹرکٹ اٹک میں ایک اور کارروائی میں کالج کے قریب سے 810 گرام آئس برآمد کی گئی۔

گرفتار ملزمان نے طلبہ کو منشیات فروخت کرنے کا اعتراف کیا۔دیگر کارروائیوں میں کاک پل اسلام آباد کے قریب ایک گاڑی سے 4 کلوگرام ہیروئن، ویلج پاڈے لاہور کے قریب ایک ملزم کے قبضے سے 3.318 کلوگرام ہیروئن اور حاجی شاہ بس ٹرمینل اٹک کے قریب موٹر سائیکل سوار مرد و خاتون کے قبضے سے 2.4 کلوگرام چرس برآمد ہوئی۔

(جاری ہے)

علی شہید چیک پوسٹ لاہور کے قریب بھی ایک کارروائی کے دوران ایک ملزم سے 565 گرام ہیروئن، ایک ڈرون، چار بیٹریاں اور ڈراپ کٹ برآمد کی گئی۔

سب سے بڑی کارروائی کراچی کے بدرالدین یارڈ میں عمل میں لائی گئی، جہاں افغانستان سے جاپان جانے والی شپمنٹ سے باریک پاڈر میں چھپائی گئی 625 کلوگرام آئس برآمد ہوئی۔ترجمان کے مطابق تمام کارروائیاں انسدادِ منشیات ایکٹ 1997 کے تحت کی گئیں، مقدمات درج کرکے مزید تحقیقات شروع کر دی گئی ہیں۔ اے این ایف نے کہا کہ وہ منشیات فروشوں کے خلاف بلا امتیاز کارروائیاں جاری رکھے گی، خصوصا تعلیمی اداروں کے قریب منشیات کے دھندے میں ملوث عناصر کے خلاف زیرو ٹالرنس پالیسی اپنائی گئی ہے۔