فیصد نوجوان انٹرنیٹ پر لڑائی، طاقت اور دولت کمانے جیسے تصورات سے متاثر ہورہے ہیں،سروے

68 فیصد نوجوانوں نے بتایا کہ وہ اس طرح کا مواد خود تلاش نہیں کرتے بلکہ یہ خود بخود ان کی فیڈز پر آجاتا ہے، سروے

جمعرات 9 اکتوبر 2025 21:45

اسلام آباد (اُردو پوائنٹ اخبارتازہ ترین - این این آئی۔ 09 اکتوبر2025ء) نو عمر افراد سوشل میڈیا پر ایسا مواد دیکھ رہے ہیں جو ان کی شخصیت اور ذہنی صحت پر منفی اثرات مرتب کررہاہے۔ امریکی تنظیم کے سروے کے مطابق 73 فیصد نوجوان انٹرنیٹ پر لڑائی، طاقت اور دولت کمانے جیسے تصورات سے متاثر ہورہے ہیں۔

(جاری ہے)

سروے میں یہ بات سامنے آئی کہ ایسے مواد کو زیادہ دیکھنے والے لڑکوں میں خود اعتمادی کی کمی، تنہائی اور جذبات چھپانے کی عادت پائی جاتی ہے۔

سروے کے مطابق 68 فیصد نوجوانوں نے بتایا کہ وہ اس طرح کا مواد خود تلاش نہیں کرتے بلکہ یہ خود بخود ان کی فیڈز پر آجاتا ہے۔سروے کے مطابق اس طرح کا مواد نہ صرف خواتین کے خلاف منفی رویے کو عام کرتاہے بلکہ بعض اوقات تشدد کو بھی جنم دیتا ہے۔اس حوالے سے ماہرین نے والدین کو بچوں سے سوشل میڈیا کے اثرات پر بات کرنے اور انہیں صحت مند آف لائن سرگرمیوں میں شامل کرنے کا مشورہ دیا ہے۔