آئمہ بیگ اور زین احمد کی علیحدگی کی خبریں، دونوں کی انسٹا اسٹوری وائرل

تم اہم ہو، تمہاری اہمیت ہمیشہ سے ہے، ان دنوں میں بھی، جب تم یہ بھول گئے،آئمہ بیگ کی انسٹاسٹوری میرا اکاؤنٹ کچھ دنوں سے بگ کررہا تھا جس کی وجہ سے میری کچھ پوسٹس آرکائیو ہوگئیں،زین احمد کی وضاحتی سٹوری

جمعہ 10 اکتوبر 2025 10:45

آئمہ بیگ اور زین احمد کی علیحدگی کی خبریں، دونوں کی انسٹا اسٹوری وائرل

لاہور(اُردو پوائنٹ اخبارتازہ ترین - این این آئی۔ 10 اکتوبر2025ء) پاکستانی گلوکارہ آئمہ بیگ اور فیشن ڈیزائنر زین احمد نے نکاح کے 2ماہ بعد ہی علیحدگی کی افواہیں سامنے آنے پر مبہم انداز میں خاموشی توڑدی۔میڈیارپور ٹ کے مطابق حال ہی میں گلوکارہ آئمہ بیگ اور فیشن ڈیزائنر زین احمد کے درمیان علیحدگی کی افواہیں سوشل میڈیا پر اس وقت سامنے آئیں جب زین احمد کے انسٹاگرام اکاؤنٹ سے اچانک آئمہ بیگ کو ان فولو کرتے ہوئے نکاح کی تمام تصاویر بھی ڈیلیٹ کردی گئیں۔

اس صورتحال کے باوجود آئمہ بیگ کے اکاؤنٹ سے زین احمد کو فولو کیا جاتا رہا حتیٰ کہ نکاح کی تصاویر بھی آئمہ بیگ کے اکاؤنٹ پر موجود رہیں۔اس دوران آئمہ کی جانب سے شیئر انسٹاگرام اسٹوری نے مداحوں کو مزید تجسس میں مبتلا کردیا۔

(جاری ہے)

انسٹا اسٹوری میں آئمہ بیگ نے لکھاکہ تم اہم ہو، تمہاری اہمیت ہمیشہ سے ہے، ان دنوں میں بھی، جب تم یہ بھول گئے۔

اس کے بعد سوشل میڈیا پر آئمہ بیگ اور زین احمد کے درمیان علیحدگی کی افواہوں نے مزید زور پکڑ لیا۔حال ہی میں زین احمد اور آئمہ بیگ کی جانب سے دی گئی وضاحت کے بعد تمام افواہیں دم توڑگئیں۔زین احمد نے وضاحتی انسٹا اسٹوری شیئر کرتے ہوئے مداحوں کو بتایا کہ میرا اکاؤنٹ کچھ دنوں سے بگ کررہا تھا جس کی وجہ سے میری کچھ پوسٹس آرکائیو ہوگئیں، اگر کسی کو بٹ کوائن کے پیغامات موصول ہوئے ہوں تو معذرت، میں نے پاس ورڈز تبدیل کردئیے ہیں، اب سب کچھ نارمل ہے۔

بعد ازاں زین احمد نے اپنی اور آئمہ کی شادی کی تصاویر دوبارہ اپ لوڈ کر تے ہوئے اہلیہ کو ایک بار پھر فالو کرلیا۔ شوہر زین احمد کی وضاحت کے بعد گلوکارہ آئمہ بیگ کی جانب سے ایک مبہم اسٹوری شیئر کی گئی جس میں درج تھا کہ آپ سب ٹھیک تھے بس، میں یہی کہنا چاہتی ہوں سننا چاہیے۔