لاہور پولیس کی ہوائی فائرنگ کی روک تھام کیلئے کارروائیاں جاری، سینکڑوں قانون شکن گرفتار

پیر 13 اکتوبر 2025 16:16

لاہور(اُردو پوائنٹ اخبارتازہ ترین - این این آئی۔ 13 اکتوبر2025ء) لاہور پولیس کی جانب سے ہوائی فائرنگ کے واقعات کی روک تھام کیلئے کارروائیاں جاری ہیں،اس ضمن میں امسال 2700ملزمان کو گرفتارکر کی1273مقدمات کا اندرج کیا گیا ہے۔ترجمان لاہور پولیس نے بتایا کہ کینٹ ڈویژن میں ہوائی فائرنگ کی827ملزمان،صدرمیں 498 اور ماڈل ٹاؤن میں 447ملزمان گرفتار کئے گئے ہیں۔

سی سی پی او لاہور بلال صدیق کمیانہ کہا کہ ہوائی فائرنگ پر زیرو ٹالرنس ہے۔انہوں نے کہا کہ ہوائی فائرنگ جان لیوا ہے، مرتکب عناصر سلاخوں کے پیچھے ہوں گے۔

(جاری ہے)

بلال صدیق کمیانہ نے ہوائی فائرنگ،اسلحہ کی نمائش اور ڈالہ کلچر کے خلاف کارروائیوں میں تیزی لانے کی ہدایات جاری کرتے ہوئے کہا کہ ایس ایچ اوز ہوائی فائرنگ پر پابندی پر عملدرآمد یقینی بنائیں۔

انہوں نے کہا کہ ہوائی فائرنگ کے نقصانات سے آگاہی کیلئے علماء کرام،اساتذہ اورمیڈیا اپنا کردار ادا کریں۔سی سی پی او لاہور نے کہا کہ سوشل میڈیا پر ہوائی فائرنگ کی پروجیکشن پر کارروائی کی جائے۔انہوں نے مزید کہا کہ شہری قانون کے احترام کو اپنا شعار بنائیں اور ہوائی فائرنگ کی اطلاع قریبی تھانہ یا 15پر دیں تا کہ ایک پرامن معاشرے کا قیام یقینی بنایا جا سکے۔