احتساب عدالت، چوہدری پرویزالہی سمیت دیگر ملزمان کے خلاف ریفرنس کی سماعت 5 نومبر تک ملتوی

پیر 13 اکتوبر 2025 17:35

لاہور (اُردو پوائنٹ اخبارتازہ ترین - اے پی پی۔ 13 اکتوبر2025ء) لاہور احتساب عدالت نے چوہدری پرویز الہی سمیت دیگر ملزمان کے خلاف گجرات ترقیاتی منصوبوں میں کرپشن اور ککس بیکس کے الزام میں درج ریفرنس کی سماعت 5 نومبر تک ملتوی کردی،احتساب عدالت کے ڈیوٹی جج ندیم گلزار نے کیس کی سماعت کی،سوموار کو سماعت کے دوران سابق پرنسپل سیکرٹری پنجاب اسمبلی محمد خان بھٹی عدالت میں پیش ہوئے جبکہ چوہدری پرویز الہی کی جانب سے ان کے پلیڈر مختار احمد رانجھا پیش ہوئے جنہیں عدالت نے باقاعدہ طور پر پرویز الہی کا پلیڈر مقرر کر رکھا ہے۔

(جاری ہے)

عدالت نے پرویز الہی کو بیماری کے باعث حاضری سے مستقل استثنا دے رکھا ہے،عدالت نے مختصر سماعت کے بعد ریفرنس پر مزید کارروائی 5 نومبر تک ملتوی کردی،احتساب عدالت نے چوہدری پرویز الہی سمیت دیگر ملزمان پر فرد جرم عائد کر رکھی ہے۔