آوارہ کتوں کو تلف کرنے کیلئے پالیسی بنانے کے حوالے سے درخواست پر فریقین کو نوٹس جاری

پیر 13 اکتوبر 2025 16:54

لاہور(اُردو پوائنٹ اخبارتازہ ترین - این این آئی۔ 13 اکتوبر2025ء) لاہور ہائیکورٹ نے شہر میں آوارہ کتوں کو تلف کرنے کے حوالے سے پالیسی بنانے کیلئے دائر درخواست پر پنجاب حکومت سمیت دیگر فریقین کو نوٹس جاری کرتے ہوئے تین نومبر کو جواب طلب کرلیا۔ لاہور ہائیکورٹ کے جسٹس خالد اسحاق نے سیکرٹری ینگ ڈاکٹرز ایسوسی ایشن کی درخواست پر سماعت کی۔

(جاری ہے)

،درخواست میں مقف اختیار کیا گیا کہ آوارہ کتوں کی بڑھتی ہوئی تعداد شہریوں کے لیے سنگین خطرہ بن چکی ہے لیکن پنجاب حکومت نے اب تک ان کی تلفی سے متعلق کوئی واضح پالیسی مرتب نہیں کی۔

روزانہ درجنوں شہری کتوں کے حملوں کا نشانہ بنتے ہیں جبکہ متعلقہ ادارے خاموش تماشائی بنے ہوئے ہیں۔درخواست میں پنجاب حکومت، سیکرٹری ہیلتھ، سیکرٹری لوکل گورنمنٹ اور دیگر اداروں کو فریق بنایا گیا ہے۔ینگ ڈاکٹرز ایسوسی ایشن نے استدعا کی ہے کہ عدالت صوبے میں آوارہ کتوں کے خاتمے کے لیے واضح پالیسی تشکیل دینے کا حکم دے تاکہ شہریوں کی جانوں کا تحفظ یقینی بنایا جا سکے۔