ایل ڈی اے کی نادہندگان املاک کے خلاف کارروائیاں،املاک سر بمہر

پیر 13 اکتوبر 2025 18:48

لاہور (اُردو پوائنٹ اخبارتازہ ترین - اے پی پی۔ 13 اکتوبر2025ء) ڈی جی ایل ڈی اے طاہر فاروق کی ہدایات پر ایل ڈی اے ٹاون پلاننگ ونگ غیرقانونی کمرشل عمارتوں اورکمرشل فیس نادہندگان املاک کے خلاف متحرک ہے۔ایل ڈی اے ٹیموں نے گزشتہ روز مختلف سکیموں اور ایل ڈی اے کنٹرولڈ ایریا میں آپریشن کرکے74 املاک سربمہرکر دیں۔ایل ڈی اے ٹیموں نے گلبرگ، نیو گارڈن ٹاون، ماڈل ٹاون ایکسٹینشن اور علامہ اقبال ٹاون میں آپریشن کیا۔

(جاری ہے)

غیرقانونی کمرشل استعمال، کمرشل فیس کی عدم ادائیگی پر گلبرگ،نیو گارڈن ٹاون،ماڈل ٹاون ایکسٹینشن میں 27املاک،کینال روڈ پر10املاک، گلشن راوی، سمن آباد میں 22 املاک سربمہر کر دیں۔ٹیموں نے ریکوری آپریشن کے دوران علامہ اقبال ٹاون میں 15املاک سیل کر دیں۔سیل کی گئی املاک میں نجی سکول،کالج، کلینک، ریستوران،گراسری سٹور،،فوڈ پوائنٹ، دکانیں، دفاتر ودیگر شامل ہیں۔آپریشن چیف ٹاون پلانرون اسد الزمان کی زیر نگرانی کیا گیا۔ڈی جی ایل ڈی اے کی ہدایت پر غیرقانونی کمرشل عمارتوں،کمرشل فیس نادہندگان املاک کے خلاف بلاامتیاز کارروائیاں جاری ہیں۔

Facebook Twitter Google + Share on Whatsapp

ایل ڈی اے کی نادہندگان املاک کے خلاف کارروائیاں،املاک سر بمہر

متعلقہ عنوان :

مزید قومی خبریں