ویمنزورلڈ کپ ، جنوبی افریقا نے بنگلادیش کو3 وکٹ سے ہرا دیا

منگل 14 اکتوبر 2025 12:53

نئی دہلی (اُردو پوائنٹ اخبارتازہ ترین - این این آئی۔ 14 اکتوبر2025ء) انٹرنیشنل کرکٹ کونسل (آئی سی سی) ویمنز ورلڈ کپ میں جنوبی افریقا نے دلچسپ مقابلے کے بعد بنگلادیش کو 3 وکٹ سے ہرا دیا، فاتح ٹیم نے 233 رنز کا ہدف 3 گیندوں پہلے حاصل کیا۔وشاکاپٹنم میں کھیلے گئے میچ میں بنگلادیشی اوپنرز نے ٹیم کو اچھا آغاز فراہم کیا اور 53 رنز کی بنیاد رکھی، ربیعہ حیدر 25 اور فرگانہ حق 30 رنز بنا کر آؤٹ ہوئیں۔

اس کے بعد شرمین اختر نے 50 رنز کی عمدہ اننگز کھیلی۔

(جاری ہے)

نگار سلطانہ 32 رنز بنا گئیں، پھر شورنا اختر نے 51 رنز کی ناقابل شکست اننگز کھیل کر بنگلادیش کا اسکور 6 وکٹ پر 232 تک پہنچادیا۔233 رنز کے تعاقب میں جنوبی افریقا کی پہلی وکٹ 3 رن پر گر گئی، دوسری وکٹ پر 55 رنز کی شرکت بنی، لیکن پھر آدھی ٹیم 78 رنز پر پویلین لوٹ گئی۔اس مشکل میں میریزانی کیپ نے 56 رنز بنا کر ٹیم کو جیت کی راہ پر ڈالا، پھر چلو ٹریون نے 62 رنز بنا کر ٹیم کو جیت کے مزید قریب کر دیا۔آخر میں نادین ڈی کلارک نے ذمہ داری سنبھالی اور ماساباتا کلاس کے ساتھ ٹیم کو 3 وکٹ سے فتح دلا دی، جنوبی افریقا نے ہدف 3 گیندوں پہلے حاصل کر لیا، کلارک 37 رنز اور کلاس 10 رن بنا کر ناٹ آؤٹ رہیں۔