ٹرمپ کا اطالوی وزیرِ اعظم جورجیا میلونی سے غیر متوقع سوال

آپ کو خوبصورت کہلوانے پر اعتراض تو نہیں آپ واقعی خوبصورت ہیں،ٹرمپ

منگل 14 اکتوبر 2025 16:59

ٹرمپ کا اطالوی وزیرِ اعظم جورجیا میلونی سے غیر متوقع سوال

واشنگٹن(اُردو پوائنٹ اخبارتازہ ترین - این این آئی۔ 14 اکتوبر2025ء) امریکی صدر ڈونلڈ ٹرمپ نے مصر میں منعقدہ غزہ امن سربراہی اجلاس کے دوران اطالوی وزیرِاعظم جارجیا میلونی سے متعلق ایک غیر متوقع بیان دے کر بین الاقوامی سطح پر نئی بحث چھیڑ دی ہے۔اجلاس کے دوران میلونی اسٹیج پر موجود تقریبا 30 عالمی رہنمائوں میں واحد خاتون تھیں۔

(جاری ہے)

ٹرمپ نے خطاب کے دوران اطالوی وزیرِ اعظم کو مخاطب کرتے کہا کہ میں جانتا ہوں کہ اگر کسی عورت کو خوبصورت کہوں تو امریکا میں سیاسی کیریئر ختم ہو جاتا ہے لیکن میں یہ خطرہ مول لے رہا ہوں، آپ ایک خوبصورت نوجوان خاتون ہیں۔

بعد ازاں صدر ٹرمپ میلونی کی جانب مڑے اور کہا، آپ کو خوبصورت کہلوانے پر اعتراض تو نہیں کیونکہ آپ واقعی خوبصورت ہیں۔میلونی اس موقع پر ٹرمپ کے پیچھے کھڑی تھیں اور اِن کا فوری طور پر دیا گیا ردِعمل کیمرے کی آنکھیں قید کرنے میں ناکام رہیں۔ٹرمپ نے مزید کہا کہ میلونی ایک ناقابلِ یقین سیاسی رہنما ہیں جنہیں اٹلی میں بہت احترام حاصل ہے اور وہ ایک کامیاب سیاست دان کے طور پر ابھری ہیں۔