Live Updates

پنجاب کا پہلاہائی ٹیک فارم میکانائزیشن فنانسنگ پروگرام پورٹل لانچ کردیا گیا

منگل 14 اکتوبر 2025 16:26

سرگودھا (اُردو پوائنٹ اخبارتازہ ترین - اے پی پی۔ 14 اکتوبر2025ء) ڈپٹی ڈائریکٹر زرعی انجینئرنگ فیلڈ ونگ محکمہ زراعت اسرار حسین کاظم نے کہا ہے کہ پنجاب حکومت زرعی معیشت کے استحکام اور کاشتکار کی خوشحالی کیلئے تمام ممکن اقدامات کر رہی ہے جس کے مستقبل میں دور رس اثرات برآمد ہوں گے۔ انہوں نے کہا کہ پنجاب کا پہلاہائی ٹیک فارم میکانائزیشن فنانسنگ پروگرام پورٹل لانچ کردیا گیا ہے، ہائی ٹیک فارم میکانائزیشن فنانس پروگرام پنجاب میں زرعی انقلاب کا نقطہ آغاز ثابت ہوگا۔

انہوں نے کہا کہ پنجاب کی زراعت کو جدید خطوط پر استوار کرنا وزیراعلیٰ مریم نواز شریف کا مشن ہے جس کی تکمیل کیلئے ہر ممکنہ اقدامات کئے جا رہے ہیں، اس پروگرام کے تحت پنجاب میں 12اقسام کی ہائی ٹیک زرعی مشینری کے لئے 3 کروڑ تک بلاسود قرضے دیئے جائیں گے اور قرضوں کی ادائیگی کیلئے 6 ماہ کی رعایتی مدت بھی مقرر کی گی ہے، سہ ماہی بنیاد پر قرض کی اقساط پانچ سال میں ادا کرنی ہوگی۔

(جاری ہے)

انہوں نے کہا کہ قرض کیلئے فارمر، سروس پروویڈر اور ایگری کمپنیاں پورٹل کے ذریعے اپلائی کر سکتی ہیں، ہائی ٹیک زرعی مشینری کے مینوفیکچررز میں چائنہ کی27، ترکیہ کی10، اٹلی کی 5، جاپان، امریکا، برازیل، سپین اور بیلا روس کی کمپنیاں شامل ہیں، ہائی ٹیک فارم میکانائزیشن فنانسنگ پروگرام میں ویٹ کمبائن ہارویسٹر، ملٹی کراپ پلانٹر، رائس پلانٹر، نرسری مشین، رائس ہاروسٹر،ویٹ سٹرابیلر، میزکوب ہارویسٹر، سائلج ہارویسٹر، میز کوب ڈایئر، آرچڈ پرنیر اورآرچڈ ایئر بلاسٹ سپریئر شامل ہیں، علاوہ ازیں ہائی ٹیک ایگری کلچر مشینری میں سنٹرل پیوٹ، اریگیشن سسٹم اور ہائی پاور ٹریکٹر بھی پروگرام شامل ہے۔