گوجرانوالہ، تعلیمی بورڈ نے انٹرمیڈیٹ پارٹ ون کے نتائج کا اعلان کر دیا

گوجرانوالہ (اُردو پوائنٹ اخبارتازہ ترین - اے پی پی۔ 15 اکتوبر2025ء) بورڈ آف انٹرمیڈیٹ اینڈ سکینڈری ایجوکیشن گوجرانوالہ کے زیر اہتمام منعقد ہونے والے امتحان انٹر میڈیٹ پارٹ ون (فرسٹ اینول) 2025ء کے نتائج کا اعلان بورڈ کے چیئرمین/کمشنر گوجرانوالہ ڈویژن،گوجرانوالہ سید نوید حیدر شیرازی، ڈاکٹر محمد احتشام جان بٹ، کنٹرولر امتحانات اور سیکرٹری بورڈ نے کانفرنس روم میں منعقدہ پریس کانفرنس میں کیا۔

چیئرمین بورڈ نے بتایا کہ اس امتحان میں مجموعی طور پر 142101امیدواران شامل ہوئے جن میں سے 71009 کامیاب قرار پائے اس طرح اُن کی کامیابی کی شرح 49.97 فیصد رہی۔ تفصیلات کے مطابق پری میڈیکل گروپ (بوائز) میں 5677 اُمیدوار شامل امتحان ہوئے جن میں سے 2837اُمیدوار کامیاب قرار پائے اور اُن کی کامیابی کی شرح 49.97فیصد رہی۔

(جاری ہے)

پری میڈیکل گروپ(گرلز) میں 24895اُمیدوار شامل امتحان ہوئے جن میں 15659اُمیدوار کامیاب قرار پائے اور اُن کی کامیابی کی شرح 62.90 فیصد رہی۔

پری انجینئرنگ گرو پ (بوائز) میں 2983اُمیدوار شامل امتحان ہوئے جن میں 1735اُمیدوار کامیاب قرار پائے اور اُن کی کامیابی کی شرح 58.16فیصد رہی. پری انجینئرنگ گروپ(گرلز) میں 2344اُمیدوار شامل امتحان ہوئے جن میں 1702اُمیدوار کامیاب قرار پائے اور اُن کی کامیابی کی شرح72.61فیصد رہی۔ہیومنٹیز گروپ(بوائز) میں 15498اُمیدوار شامل امتحان ہوئے جن میں 3278اُمیدوار کامیاب قرار پائے اور اُن کی کامیابی کی شرح 21.15فیصد رہی.۔

ہیومنٹیز گروپ (گرلز( میں 36112اُمیدوارشامل امتحان ہو ئے جن میں 18266امیدوار کاامیاب قرار پائے اور انکی کامیابی کی شرح50.58 فی صد رہی۔ جنرل سا ئنس گروپ(بوا ئز) میں 19949اُمیدوار شامل امتحان ہوئے جن میں 8155اُمیدوار کامیاب قرار پائے اور اُن کی کامیابی کی شرح 40.88فیصد رہی۔ جنرل سا ئنس گروپ (گرلز) میں 24018اُمیدوار شامل امتحان ہوئے جن میں 14464اُمیدوار کامیاب قرار پائے اور اُن کی کامیابی کی شرح 60.22فیصد رہی۔

اسی طرح کامرس گروپ(بوائز) میں 5236اُمیدوار شامل امتحان ہوئے جن میں 1701اُمیدوار کامیاب قرار پائے اور اُن کی کامیابی کی شرح 32.49فیصد رہی ۔ کامرس گروپ (گرلز) میں 5389اُمیدوار شامل امتحان ہوئے جن میں 3212اُمیدوار کامیاب قرار پائے اور اُن کی کامیابی کی شرح-59.60فیصد رہی۔چیئرمین بورڈ نے بتایا کہ امتحان کے انعقاد سے لے کر نتائج کی تیاری تک متعلقہ قواعد و ضوابط پر سختی سے عملدرآمد یقینی بنایا ہےادارہ جات کی جانب سے بھجوائی گئی امیدواران کی ترتیب کو ختم کیا گیا اور ایک زون کے اندر جملہ ادارہ جات کے امیدواران کو اس زون میں قائم کردہ امتحانی مراکز میں یکساں تقسیم کر کے بٹھایا گیا۔

امتحانی مراکز کی مانیٹرنگ کیلئے مستعد افراد پر مشتمل ٹیمیں تشکیل دی گئیں۔دورانِ امتحان بورڈ کو جو بھی شکایت ملی اُس کا فوری طور پر ازالہ کیا گیا۔چیئرمین نے مزید بتایا کہ مارکنگ کے معیار پر کسی قسم کا سمجھوتا نہیں کیا گیا تاکہ طلباء و طالبات کے ساتھ ناانصافی نہ ہو۔ اس موقع پر انہوں نے اپنے بھرپور عزم کا اظہار کرتے ہوئے کہا کہ وہ طلباء و طالبات کے تعلیمی معیار کی جانچ کو انتہائی منصفانہ بنانے میں کوئی کسر اٹھا نہیں رکھیں گے اور امتحانی نظام کی بہتری کیلئے ہمہ وقت سرگرم عمل رہیں گے۔\378