الماتے اوپن ٹینس مینز سنگلز ،آسٹریلیا کے ایڈم والٹن فاتحانہ آغاز کرتے ہوئے دوسرے رائونڈ میں داخل

بدھ 15 اکتوبر 2025 15:38

آستانہ (اُردو پوائنٹ اخبارتازہ ترین - اے پی پی۔ 15 اکتوبر2025ء) آسٹریلیا ٹینس کھلاڑی ایڈم والٹن اے ٹی پی الماتے اوپن ٹینس ٹورنامنٹ میں مردوں کے سنگلز مقابلوں کا فاتحانہ آغاز کرتے ہوئے دوسرے رائونڈ میں پہنچ گئے ۔سپورٹس ویب سائٹ کے مطابق 26 سالہ آسٹویلوی ٹینس کھلاڑی ایڈم والٹن نے مینز سنگلز مقابلوں کے ابتدائی رائونڈ میچ میں ہم وطن حریف کھلاڑی ٹرسٹن سکولکیٹ کو1-2 سیٹس سے شکست دی اور دوسرے رائونڈ کے لئے کوالیفائی کیا۔

(جاری ہے)

اے ٹی پی الماتے اوپن ٹینس ٹورنامنٹ کا چھٹا ایڈیشن قازقستان کے شہر الماتے کے الماتے ارینا میں شروع ہوچکا ہے جس میں شائقین ٹینس کو انتہائی دلچسپ اور کانٹے دار مقابلے دیکھنے کو ملیں گے۔ مردوں کے سنگلز مقابلوں کے ابتدائی رائونڈ میں کھیلے گئے میچ میں سالہ آسٹویلوی ٹینس کھلاڑی ایڈم والٹن نے ہم وطن حریف کھلاڑی ٹرسٹن سکولکیٹ کو 6-7(4-7)، 7-6(7-3) اور 2-6سے ہرا کر نہ صرف ٹورنامنٹ کا فاتحانہ آغاز کیا بلکہ دوسرے رائونڈ کے لئے کوالیفائی کرلیا۔ جہاں انکا مقابلہ روس کے نامور ٹینس سٹار اور ایونٹ کے سیکنڈ سیڈڈ ڈینیئل مدویدیف سے ہوگا ۔