پاکستان مسلم لیگ (ن) نے ہمیشہ کارکردگی کی بنیاد پر سیاست کی ہے اور ملک کو مشکل حالات سے نکالا ہے،وزیرِاعظم کے معاونِ خصوصی برائے اطلاعات اور خیبر پختونخوا اموراختیار ولی خان

اتوار 19 اکتوبر 2025 01:10

اسلام آباد (اُردو پوائنٹ اخبارتازہ ترین - اے پی پی۔ 19 اکتوبر2025ء) وزیرِاعظم کے معاونِ خصوصی برائے اطلاعات اور خیبر پختونخوا اموراختیار ولی خان نے کہا ہے کہ پاکستان مسلم لیگ (ن) نے ہمیشہ کارکردگی کی بنیاد پر سیاست کی ہے اور ملک کو مشکل حالات سے نکالا ہے۔ہفتہ کو نجی ٹی وی سے گفتگو کرتے ہوئے انہوں نے کہا کہ وزیرِاعظم شہباز شریف کی قیادت میں پاکستان نے سنگین چیلنجز پر قابو پایا ہے اور اب پائیدار ترقی کی جانب بڑھ رہا ہے۔

(جاری ہے)

انہوں نے کہا کہ مسلم لیگ ن کا وژن قومی ترقی اور عوامی فلاح پر مرکوز ہے اور پارٹی کا طرزِ حکمرانی ہمیشہ کارکردگی اور نتائج کو ترجیح دیتا رہا ہے۔خیبر پختونخوا میں وزیرِاعلیٰ کے انتخاب پر تبصرہ کرتے ہوئے اختیار ولی نے کہا کہ پاکستان تحریک انصاف نے اس عمل کے دوران اپنے ارکان کو “سیف ہاؤسز” میں مقید رکھا،اگر وہ باقاعدہ انتخاب میں شریک ہوتے تو نتائج مختلف ہوسکتے تھے۔ان کا کہنا تھا کہ انتخاب جلدبازی اور شفافیت کے بغیر کرایا گیا، اور اسی عمل کے گرد پائی جانے والی غیر یقینی صورتحال ہی وہ بنیادی وجہ تھی جس کی بنا پر اپوزیشن بشمول مسلم لیگ ن نے اس کا بائیکاٹ کیا۔

Facebook Twitter Google + Share on Whatsapp

متعلقہ عنوان :

مزید قومی خبریں