Live Updates

وزیراعلیٰ مریم نواز کی زیر صدارت ریونیو کلیکشن سے متعلق خصوصی اجلاس،ٹیکس اہداف و نئے سیکٹرز بارے تفصیلی بریفنگ

اتوار 19 اکتوبر 2025 19:10

لاہور (اُردو پوائنٹ اخبارتازہ ترین - اے پی پی۔ 19 اکتوبر2025ء) وزیراعلیٰ پنجاب مریم نواز کی زیر صدارت ریونیو کلیکشن سے متعلق خصوصی اجلاس منعقد ہوا، جس میں ڈی جی پی آر اے معظم علی سپرا نے ٹیکس اہداف اور نئے سیکٹرز کے بارے میں تفصیلی بریفنگ دی۔اجلاس میں بتایا گیا کہ ریونیو بڑھانے کیلئے حکومت پنجاب نے موثر اقدامات کئے ہیں ،پنجاب ریونیو اتھارٹی میں سپیشل یونٹ قائم کرنے کا فیصلہ کیاگیا۔

پی آر اے سپیشل یونٹ میں فیکٹوریل، ٹیکس کنسلٹنٹ، لیگل ایکسپرٹ اور ڈیٹا اینا لیس شامل ہوں گے۔

(جاری ہے)

پنجاب ریونیواتھارٹی میں 130انفورسمنٹ آفیسرز کی بھرتی کی اصولی منظوری دی ۔پی آر اے نے دائرہ کار 30اضلاع تک بڑھانے کا فیصلہ کیاہے۔وزیر اعلیٰ نے اضلاع تک ریونیواتھارٹی کی توسیع کیلئے 30اکتوبر تک کی ڈیڈ لائن مقرر کر دی ہے، اضلاع میں ریونیواتھارٹی سے متعلق اضافی ذمہ داریاں اے ڈی سی جی کو تفویض کرنے کی ہدایت کی ہے،پنجاب میں ریونیوبڑھانے کیلئے 19نئے سیکٹر زشامل کرنے کا جائزہ لیاگیا اور ٹیکس دہندگان کیلئے پی آر اے نے سہولت ایپ متعارف کر ادی۔

انہوں نے کہاکہ ایمانداری سے ٹیکس ادا کرنے والوں کو پریشان نہ کیا جائے،نئے سیکٹر متعارف کرائے جائیں۔ انہوں نے ٹیکس ریونیو میں شفافیت یقینی بنانے کی ہدایت کی۔