راولپنڈی پولیس کی جانب سے گرجا گھروں کی سکیورٹی کے لیے سخت اور مؤثر انتظامات

اتوار 19 اکتوبر 2025 19:20

راولپنڈی (اُردو پوائنٹ اخبارتازہ ترین - اے پی پی۔ 19 اکتوبر2025ء) راولپنڈی پولیس کی جانب سے گرجا گھروں کی سکیورٹی کے لیے سخت اور مؤثر انتظامات کیے گئے ہیں۔ پولیس کے 400 سے زائد افسران اور جوان شہر بھر میں تعینات ہیں جو عبادت گاہوں کی حفاظت کے فرائض سرانجام دے رہے ہیں۔

(جاری ہے)

ترجمان راولپنڈی پولیس کے مطابق گرجا گھروں کے اطراف سکیورٹی کو مزید مؤثر بنانے کے لیے تھانوں کی موبائل ٹیمیں، ایلیٹ فورس اور ڈولفن فورس کے دستے بھی گشت پر مامور ہیں تاکہ کسی بھی ناخوشگوار واقعے سے بروقت نمٹا جا سکے۔

سینئر پولیس افسران مختلف مقامات کا دورہ کر کے ڈیوٹی پر موجود اہلکاروں کو چیک کر رہے ہیں اور انہیں سکیورٹی ذمہ داریوں کے حوالے سے بریفنگ بھی دے رہے ہیں۔ سی پی او راولپنڈی سید خالد ہمدانی نے اس موقع پر کہا کہ شہریوں کی جان و مال کا تحفظ راولپنڈی پولیس کی اولین ترجیح ہے، اس مقصد کے لیے تمام تر وسائل بروئے کار لائے جا رہے ہیں تاکہ عوام میں احساس تحفظ کو یقینی بنایا جا سکے۔