کراچی میٹرو پولیٹن یونیورسٹی میں 2 نئے ڈینز کی تقرری

پیر 16 فروری 2026 17:50

کراچی (اُردو پوائنٹ اخبارتازہ ترین - این این آئی۔ 16 فروری2026ء) کراچی میٹرو پولیٹن یونیورسٹی (کے ایم یو)نے اپنی مختلف فیکلٹیز کے لیے 2 نئے ڈینز کی تقرری کا اعلان کر دیا۔یہ تقرریاں وائس چانسلر ڈاکٹر وسیم قاضی کی سفارش پر وزیرِ اعلی سندھ سید مراد علی شاہ نے میٹرو پولیٹن یونیورسٹی ایکٹ 2022 کے تحت کی ہیں۔

(جاری ہے)

پروفیسر ڈاکٹر ناصر علی خان کو فیکلٹی آف ڈینٹسٹری اینڈ الائیڈ کا 3 سال کی مدت کے لیے ڈین مقرر کیا گیا ہے جبکہ پروفیسر ڈاکٹر گل افشاں کو فیکلٹی آف بیسک میڈیکل سائنسز کا ڈین ان کی ریٹائرمنٹ یعنی 11 جون 2027 تک کے لیے مقرر کیا ہے۔

یونیورسٹی انتظامیہ نے دونوں معزز اساتذہ کو نئی ذمے داریاں سنبھالنے پر دل کی گہرائیوں سے مبارک باد دی ہے۔ توقع کی جا رہی ہے کہ ان کی قیادت میں تعلیم کے معیار، تحقیق اور ادارے کی ترقی میں مزید بہتری آئے گی۔کراچی میٹرو پولیٹن یونیورسٹی کی قیادت نے اس عزم کا اعادہ کیا ہے کہ وہ اعلی معیار کی تعلیم اور بہترین تعلیمی ماحول کی فراہمی کے لیے مسلسل کام کرتی رہے گی۔

Facebook Twitter Google + Share on Whatsapp

کراچی میٹرو پولیٹن یونیورسٹی میں 2 نئے ڈینز کی تقرری

متعلقہ عنوان :

مزید تعلیم کی خبریں