ح*اسلاموفوبیا مغرب میں پائی جانے والی نفسیاتی بیماری ہے،قاسم علی قاسمی

ئ*مغرب اسلام دشمنی میں اندھا ہو چکا ہے ، سردار الانبیاء ،قرآن مجید کی توہین کی گئی ، ہر بار مسلمانوں نے مغرب کومنہ توڑ جواب دیاکہ رسول خدا اور اسلام ہماری ریڈ لائن ہیں، فوکل پرسن شیعہ علماء کونسل پنجاب

اتوار 15 مارچ 2026 20:30

لاہور (اُردو پوائنٹ اخبارتازہ ترین - آن لائن۔ 15 مارچ2026ء) شیعہ علماء کونسل پنجاب کے فوکل پرسن قاسم علی قاسمی نے کہا ہے کہ اسلاموفوبیا مغرب میں پائی جانے والی نفسیاتی بیماری ہے،دراصل مغرب اسلام دشمنی میں اندھا ہو چکا ہے ،جس نے سردار الانبیاء حضرت محمد مصطفی صلی اللہ علیہ وآلہ وسلم کی شان میں گستاخی کرنے کی بارہا جسارت کی ِ،قران مجید کی توہین کی، اللہ کے کلام کو جلایا گیا، مگر ہر بار مسلمانوں نے انہیں منہ توڑ جواب دیا اور باورکروایا کہ رسول خدا اور اسلام ہماری ریڈ لائن ہیں۔

ہم توہین برداشت نہیں کریں گے۔

(جاری ہے)

اظہار آزادی رائے کے نام پر کبھی حجاب پر تنقید کی جاتی ہے تو کبھی گستاخانہ خاکے بنائے جاتے ہیں، مگر ہمار ے دل سے نبی کریم اور ان پر نازل ہونے والی آخری الہامی کتاب کی محبت کم نہیں کرسکے۔ انہوں نے کہا دشمنوںکو سمجھنا چاہیے کہ اسلام اللہ کا آخری دین اور رسول اللہ آخری نبی ہیں ،جنہیں اللہ تعالیٰ نے انسانیت کی رہنمائی کے لیے مبعوث فرمایا۔ میڈیا سیل کی طرف سے جاری بیان میں قاسم علی قاسم نے کہا کہ ہم کسی صورت اسلام کی توہین برداشت نہیں کریں گے۔اقوام متحدہ کی طرف سے اسلامو فوبیا کے حوالے سے دن کا منایا جانا قابل تحسین ہے۔