یوم پاکستان ایس ایس بی ٹرافی ایک روزہ گرلز اینڈ بوائز باسکٹ بال ٹورنامنٹ کے سیمی فائنل مکمل ،فائنل پیر کو کھیلا جائے گا

جمعہ 27 مارچ 2026 21:25

کراچی (اُردو پوائنٹ اخبارتازہ ترین - این این آئی۔ 27 مارچ2026ء) فردوس اتحاد کے زیر اہتمام کے بی بی اے کی اجازت سے انٹرنیشل عبدالناصر باسکٹ بال کورٹ آرام باغ پر یوم پاکستان ایس ایس بی ٹرافی گرلز اینڈ بوائز باسکٹ بال ٹورنامنٹ کے سیمی فائنل مکمل ہو گئے دونوں ٹورنامنٹس میں 4.4 ٹیمیں حصہ لے رہی ہیں ٹورنامنٹ کے دونوں فائنل پیر 30 مارچ کو 30-7 بجے شام کھیلے جائینگے گرلز کے پہلے سیمی فائنل میں محترمہ فاطمہ جناح ٹیم نے نصرت بھٹو ٹیم کو 8-6 سے اور دوسرے سیمی فائنل میں بے نظیر بھٹو شہید ٹیم نے مریم مختار شہید ٹیم کو 12-29 سے شکست دے دی ان میچوں میں فاطمہ ادریس،امنہ اشرف ،مہوش خان، فبہیہ طارق ،سمر ان لوہانا،حفصہ خان مناہل خان نے بہترین کھیل کا مظاہرہ کیا بوائز کے پہلے سیمی فائنل میں قائد اعظم ٹیم نے نشتر ٹیم کو 32-27 پوائینٹس سے شکست دے دی ونرٹیم کی جانب سے حارث شاہد، دانیال مروت، حسن علی اور رنر ٹیم کی جانب سے عبد الصمد ، محمد حسین اور محمد عثمان نے جبکہ دوسرے سیمی فائنل شہید ملت ٹیم نے حفیظ جالندھری ٹیم کو 29 - 24 پوائینٹس سے شکست دے دی ونرٹیم کی جانب سے زین العابدین منیب چنہ،حسن اقبال ، فواد علی خان، چوہدری سلیم اور ذوالقرنین نے بہترین کھیل کا مظاہرہ کیا ان میچوں میں زاہد ملک ، ظفر اقبال عامر شریف ، راج کمار ، نعیم احمد محمد اشرف ، نصرت افضل اور زعیمہ خاتون نے ٹیکنیکل آفیشلز اور ریفریز کے فرائض انجام دیئے، ٹورنامنٹ کا افتتاح KBBA کے صدر غلام عباس جمال چوہدری ایڈوکیٹ نے کیا۔

(جاری ہے)