اسٹیج پر کام کی وجہ سے اداکاری میں پختگی آتی ہے ، ہما علی

مجھے فلم ، ٹی وی سے زیادہ اسٹیج پر کام کا زیادہ لطف آتا ہے، اداکارہ کی گفتگو

ہفتہ 2 مئی 2026 10:45

لاہور(اُردو پوائنٹ اخبارتازہ ترین - این این آئی۔ 02 مئی2026ء) اداکار ہ ہما علی نے کہا ہے کہ جو اداکار اسٹیج پر کام کر چکا ہو اس کے لئے فلم اور ٹی وی میں کام کرنا زیادہ آسان ہوتا ہے ، میں ٹی وی اور فلم میں بھی کام کر چکی ہوں لیکن جو لطف اسٹیج پر کام کرنے کا اسے الفاظ میں بیان نہیں کیا جا سکتا ۔

(جاری ہے)

ایک انٹر ویو میں اداکارہ نے کہا کہ فلم اور ٹی وی میں کام کرنے والے سینئر فنکاروں میں اکثریت اسٹیج پر پرفارم کر چکے ہیں جس کی وجہ سے ان کے کام میں پختگی نظر آتی ہے ۔

انہوں نے بتایا کہ میں نے طویل عرصے بعد اوپن ائیر تھیٹر باغ جناح میں پیش کئے گئے اسٹیج ڈرامہ ’’ چاند کب نکلے گا ‘‘ میں پرفارم کیا ہے ۔مجھے جب بھی پنجاب آرٹ کونسل کے زیر اہتمام ڈراموں میں کام کی پیشکش ہوئی میں ان میں ضرور حصہ لوں گی۔