پاکستان خطے میں استحکام اور امن کیلئے اہم کردار ادا کر رہا ہے، افتخار علی ملک

اتوار 3 مئی 2026 13:09

لاہور (اُردو پوائنٹ اخبارتازہ ترین - اے پی پی۔ 03 مئی2026ء) سارک چیمبر آف کامرس اینڈ انڈسٹری کے سابق صدر افتخار علی ملک نے کہا ہے کہ پاکستان اپنی اسٹریٹجک جغرافیائی حیثیت کے باعث جنوبی ایشیا،وسطی ایشیا اور مشرق وسطی میں امن،رابطہ کاری اور تعاون کے فروغ میں اہم کردار ادا کر رہا ہے۔وہ پاکستان جاپان سوشو اکنامک ایسوسی ایشن کے وفد سے گفتگو کر رہے تھے،جس کی قیادت ستارہ عارف کر رہی تھیں۔

انہوں نے کہا کہ پاکستان بتدریج خطے میں استحکام فراہم کرنے والے ملک کے طور پر ابھر رہا ہے۔

(جاری ہے)

دہشت گردی کے خلاف اقدامات، داخلی سلامتی کے استحکام اور عالمی امن مشنز میں شرکت سے پاکستان کی ساکھ مضبوط ہوئی ہے۔افتخار علی ملک نے کہا کہ پاکستان ہمیشہ مذاکرات،مفاہمت اور سیاسی حل کی حمایت کرتا آیا ہے جبکہ تجارتی و علاقائی رابطوں کے فروغ سے معاشی استحکام میں بھی مدد مل رہی ہے۔ستارہ عارف نے کہا کہ پاکستان تجارتی راہداریوں، توانائی تعاون اور سرمایہ کاری شراکت داریوں کے ذریعے مشترکہ خوشحالی کو فروغ دے رہا ہے،جس سے علاقائی تعاون مضبوط ہو رہا ہے۔وفد کے ڈپٹی لیڈر عثمان اختر نے طلبہ کی حوصلہ افزائی پر افتخار علی ملک کا شکریہ ادا کیا۔