کے ایم سی کے ملازمین اور پینشنرز دن بدن بدحالی کا شکار ہورہے ہیں،سید ذوالفقار شاہ

مراعات کو ختم کرکے سی بی اے ایگریمنٹ کی خلاف ورذی کی جارہی ہے،صدر سجن یونین

اتوار 3 مئی 2026 19:05

کراچی(اُردو پوائنٹ اخبارتازہ ترین - این این آئی۔ 03 مئی2026ء) سجن یونین سی بی اے کے ایم سی کے مرکزی صدر سید ذوالفقارشاہ نے لائرز فورم کے یوم مئی کے کنونشن سے خطاب کرتے ہوئے کہا ہے کہ ملک کی سب سے بڑی بلدیہ کے ملازمین کو مرحلے وار مراعات اور حقوق سے محروم کرکے سی بی اے ایگریمنٹ 84 کے خلاف ورذی کی جارہی ہے۔ملازمین کو لانے لیجانے،میت شادی کے لیے مختص بس 20 سال قبل کنڈم کرنے کے بعد ڈپو میں کھڑی گرین بسوں میں ایک یا دو بسیں کارآمد بناکر ملازمین کے لیے مختص کی جادکتی تھی لیکن اس جانب کوئی توجہ نہیں دی گئی۔

کے ایم سی کے حصے میں آنے والی بڑی اسپتالوں سے ملازمین کو دوروپئے تک کی پیراسیٹامول بھی میسر نہیں۔اب کے ایم سی کونسل نے مکازمین کی میڈیکل انشورنس اور ری ایمبیسمنٹ کی قرارداد پاس کی ہے۔

(جاری ہے)

لیکن اس میں بھی انہتائی کم رقم علاج معالجے کیلیے مخصوص کی ہے۔اسی طرح ملازمین گزشتہ برسوں کے کیے گئے 13 ماہ کے بقایا جات سے پہلے ہی محروم تھے اب جولائی 2025 سے تنخواہوں میں کیے گئے 12 فیصد اضافے کی ادائیگی سے تاحال محروم ہیں۔

عدالتی احکامات کے باوجود اکتوبر 2023 سے ریٹائرٹی ایم سیز ملازمین پینشن بقایا جات،پروانڈنٹ فنڈ،گریجویٹی کی ادائیگی سے محروم ہیں جبکہ مارچ 2019 سے ریٹائر وفات پاجانے والے پینشنرز اپنے واجبات کی ادائیگی نہ ہونے کے ساتھ ساتھ 33 فیصد کم پینشن لینے پر مجبور ہیں۔فائر فائٹرز 36 ماہ کے اوورٹائم کی ادائیگی سے محروم ہیں۔سنیئر اہل افسران کو تعنیاتیاں نہیں دی جارہی ہیں۔پینشنرز ملازمین سراپا احتجاج بنے ہوئے ہیں حکمران چین کی بانسری بجھارہے ہیں۔کے ایم سی میں جلد انوکھا احتجاج کیا جارہا ہے جس کی تیاری کی جارہی ہے۔انہوں نے وزیر اعلی سندھ,وزیر بلدیات سے نوٹس لینے کا مطالبہ کیا ہے۔