سپورٹس اینڈ یوتھ افیئرز ڈیپارٹمنٹ کا معرکہ حق گیمز کے انعقاد کا اعلان

منگل 5 مئی 2026 20:11

لاہور (اُردو پوائنٹ اخبارتازہ ترین - اے پی پی۔ 05 مئی2026ء) سپورٹس اینڈ یوتھ افیئرز ڈیپارٹمنٹ پنجاب کے زیر اہتمام معرکہ حق گیمز کے انعقاد کا اعلان کر دیا گیا۔

(جاری ہے)

منگل کو ڈائریکٹر جنرل سپورٹس پنجاب محمد طارق قریشی نے یہاں جاری اپنے ایک بیان میں کہا کہ ہاکی، کراٹے، سائیکلنگ ریس اور شیر لاہور دنگل کا انعقاد کیا جائے گا، ہاکی میچ 6 مئی شام 5بجے نیشنل ہاکی سٹیڈیم،کراٹے کے مقابلے 7 مئی کوشام 5بجے جمنازیم ہال میں ہوں گے جبکہ سائیکلنگ ریس 8 مئی کو رات 8بجے سی بی ڈی میں منعقد کی جائے گی اسی طرح روایتی شیر لاہور دنگل 9 مئی کو شام 5بجے پنجاب سٹیڈیم میں ہوگا،ڈی جی سپورٹس پنجاب محمد طارق قریشی نے کہا کہ معرکہ حق گیمز کے انعقاد کا مقصد پاک فوج کو خراج تحسین پیش کرنا اور نوجوانوں میں کھیلوں کے فروغ کو یقینی بنانا ہے، معرکہ حق گیمزکا انعقاد صوبائی وزیر کھیل پنجاب ملک فیصل ایوب کھوکھر کی ہدایت پرکیا جارہا ہے۔