Live Updates

ایران طے شاہ شرائط پر عملدرآمد کیلئے تیار ہو تو آپریشن ختم، آبنائے ہرمز کھول دی جائے گی، ٹرمپ

اگر ایران نے معاہدہ نہیں کیا تو بم باری دوبارہ شروع ہوگی، جو پہلے سے بھی زیادہ شدید ہوگی، امریکی صدر

بدھ 6 مئی 2026 22:15

واشنگٹن (اُردو پوائنٹ اخبارتازہ ترین - این این آئی۔ 06 مئی2026ء) امریکا کے صدر ڈونلڈ ٹرمپ نے کہا ہے کہ اگر ایران نے طے شدہ شرائط مان لیا تو جاری آپریشن ایپک فیوری ختم اور آبنائے ہرمز سب کے لیے کھول دی جائے گی۔

(جاری ہے)

سماجی رابطے کی ویب سائٹ ٹرتھ سوشل پر جاری بیان میں امریکی صدر ڈونلڈ ٹرمپ نے کہا کہ اگر ایران طے شدہ شرائط مان لیتا ہے جو کہ شاید ایک بڑا مفروضہ ہے تو ایپک فیوری آپریشن ختم کردیا جائے گا۔

انہوں نے کہا کہ موثر ناکہ بندی کے بعد آبنائے ہرمز سب کے لیے کھول دی جائے گی اور ایران نے شرائط مان لیں تو آبنائے ہرمز ایران کے لیے بھی کھل جائے گی۔ڈونلڈ ٹرمپ نے کہا کہ اگر ایران نے معاہدہ نہیں کیا تو بم باری دوبارہ شروع ہوجائے گی، جوبدقسمتی سے پہلے سے بھی زیادہ شدید بم باری ہوگی۔